E fundit!

15:57 Aktualitet

VIDEO-Vrasja në Maliq, Lamallari “zbarkon” në Policinë e Korçës

Ministri i Brendshëm, Besfort Lamallari, ka zbarkuar në Dr...

Marotta: Javë vendimtare për Lookman, ndryshe shkojmë në objektiva të tjerë

28 Korrik 2025, 19:26, Sport CNA

Marotta: Javë vendimtare për Lookman, ndryshe shkojmë në

Inter ka nisur zyrtarisht sezonin 2025/26 nga qendra stërvitore në Appiano Gentile, me presidentin Giuseppe Marotta që prezantoi objektivat dhe planet për të ardhmen.

Ai theksoi se synimi kryesor mbetet fitimi i trofeve, ndërsa zgjodhi të besojë tek trajneri i ri, Cristian Chivu, si lider i duhur për projektin e ri.

Marotta kujtoi sukseset e pesë viteve të fundit me shtatë tituj dhe dy finale të Champions League, duke vlerësuar gjithashtu kontributin e pronësisë së re. Presidenti pranoi se Inter do të nisë një cikël të ri me përforcime të rëndësishme dhe një strategji të qartë në merkato.

Për Lookman nga Atalanta, Marotta tha se lojtari është prioritet në merkato, por nëse nuk arrihet marrëveshje brenda 2-3 ditësh, klubi do të orientohet drejt alternativave të tjera. Objektivi është të mbetet kompetitiv në të gjitha garat dhe të ruajë traditën fituese të klubit.

“Merkato mund të zgjasë edhe një muaj ose më shumë, por ju harroni diçka. Fakti që një ekip arri të mbajë lojtarët që e ngritën, është shumë e rëndësishme.

Tregu i transferimeve është interesant, tifozët hapin gazetat çdo ditë për të lexuar lajmet, punoni shumë dhe sa më shumë të shkruani, aq më mirë. Por në realitet, ne gjithashtu duhet të kuptojmë se nëse një ekip si i yni ka arritur aty ku është, kjo do të thotë gjithashtu se ka asete të rëndësishme. Kjo do të thotë që Interi sot krenohet me një shumicë të madhe kampionësh, lojtarë të rinj interesantë dhe se mbajtja e lojtarëve me përvojë luan një rol të rëndësishëm.

Nuk do ta mohoj që Lookman është një objektiv i madh. Megjithatë, sot ai është një lojtar i Atalantës. Ne kemi një marrëdhënie të shkëlqyer me familjen Percassi dhe nuk do ta mohoj që kam shkëmbyer disa fjalë me Luca Percassi-n. Duhet ta ngremë standardin dhe të mos kemi frikë të kërkojmë lojtarë të mirë. Është e parakohshme të them se çfarë do të ndodhë, por është e vërtetë që ai është një lojtar që po e ndjekim.

Kjo është java vendimtare për këtë. Unë dhe trajneri kemi rënë dakord për kërkimin e lojtarëve me një farë shkathtësie dhe që do t’i japin atij mundësinë të luajë në një sërë formacionesh. Pra, është e qartë se Lookman është një kandidat i përshtatshëm, por ai nuk është i vetmi. Ka edhe emra të tjerë. Nuk do ta mohoj se brenda dy ose tre ditësh do të arrijmë në një përfundim për takimin me Atalantën. Nëse kushtet janë të përshtatshme dhe Atalanta është e disponueshme, do të përpiqemi të fillojmë një negociatë konkrete, përndryshe, do të ketë një zgjidhje tjetër”, deklaroi Marotta.