web counter
LEXO PA REKLAMA!

SHKARKO APP

App Store
Google Play

U kualifikuan në Champions, klubi italian tenton Brojën

4 Qershor 2024, 12:42, Sport CNA

U kualifikuan në Champions, klubi italian tenton Brojën

Armando Broja po përgatitet për Europianin e verës, aty ku do të marrë pjesë me Shqipërinë, por emri i tij vazhdon të lakohet në merkato.

Sulmuesi pritet të largohet nga Chelsea dhe interesimet në drejtim të tij janë të shumta.

Përveç klubeve në Premier League, interes së fundmi për shqiptarin ka edhe nga Seria A. Klubi i Bologna-s, siguroi kualifikimin në Ligën e Kampioneve për sezonin e ardhshëm dhe drejtuesit kanë nisur nga puna për merkaton.

Në listën e dëshirave, bën pjesë edhe Armando Broja, që pëlqehet shumë për repartin e avancuar. Zirkzee do të largohet në verë dhe si pasuesi perfekt shihet sulmuesi i Shqipërisë.

Për të arritur te Broja, Bologna nuk do ta ketë aspak të lehtë, për shkak të konkurrencës së madhe. Nga Anglia bëjnë me dije se sulmuesi kërkohet edhe nga Monaco në Francë.

Interes serioz ka treguar edhe Wolves-i në Premier Ligë, me ujqërit që e kërkuan edhe në merkaton e janarit, por në atë kohë, sulmuesi zgjodhi Fulhemin, për të cilën tashmë me siguri është bërë pishman.

Tani gjithçka e ka në dorë Chelsea, që gjithsesi duhet të ulë pretendimet. Fillimisht Broja u vlerësua me 50 milionë paund, kërkesë e cila bëri që lojtari të përfundonte në huazim te Fulhemi, pasi ishte e vështirë që një skuadër të paguante një shifër të tillë për një lojtar që sapo ishte rikthyer nga një dëmtim shumë i rëndë.

Broja vërtetoi edhe ndaj Lihtenshtejnit se është rikuperuar plotësisht, është në formë fizike të mirë dhe se nuk e ka humbur “nuhatjen” për të shënuar.





Lajmet e fundit nga