web counter
LEXO PA REKLAMA!

SHKARKO APP

App Store
Google Play

E fundit!

x

“U futëm për fitore”, Colella kënaqet dhe me 1 pikë: Lojtarët ishin të lodhur, nuk më intereson Tirana

11 Mars 2023, 19:34, Sport CNA

Giovani Colella ka folur pas barazimit 1-1 në transfertë kundër Vllaznisë, e vlefshme për javën e 25-të të Superiores. Për mikrofonin e Oversport, trajneri italian i Partizanit deklaroi:

“Gjithmonë tentojmë të fitojmë ndeshjen. Kur nuk arrin, të marrësh 1 pikë është ndjenjë pozitive.

Pjesa e dytë? Lojtarët me më shumë minuta në këmbë janë të lodhur. Ndërsa lojtarët me më pak aktivizime, akoma nuk janë ambientuar me skemat e skuadrës.

Do të preferonit diçka tjetër? Ndeshjet janë të ndryshme sa i përket 90 minutave të lojës. Nëse do ta përgatisnim keq ndeshjen, nuk do të luanim si në pjesën e parë. Mos të harrojmë dhe kundërshtarin që kishim përballë. Janë cilësorë dhe bënë më mirë në pjesën e dytë. Analizat janë të ndryshme, një ndeshje nuk i ngjason tjetër. Asnjëherë nuk kam parë një ndeshje njësoj në karrierën time. Të gjitha ndeshjet janë deçizive. Ishte ndeshje ku u përballën dy skuadra shumë të mira.

Mesfusha? Mendoj se në pjesën e dytë lodhja bëri të veten. Ramë disi në mesfushë. Mos të harrojmë se dhe Vllaznia bëri shumë mirë në 45 minutat e dyta.

Fitorja e Tiranës? Nuk më intereson”, tha ai.





Lajmet e fundit nga