web counter
LEXO PA REKLAMA!

SHKARKO APP

App Store
Google Play

Tuhel: Kohë e pazakontë, por dua t'i jap Bajernit trofe

31 Mars 2023, 15:58, Sport CNA

Bajerni i Mynihut nis një epokë të re me trajnerin Tomas Tuhel në krye të ekipit. Pas pushimit ndërkombëtar, Bundesliga rezervon sfidën më emblematike, në “Allianz Arena” at? mes Bajern Mynihut – Borusia Dortmundit.

Pas 25 ndeshjeve të zhvilluara, “verdhezinjtë” udhëheqin kampionatin me një pikë më shumë se “bavarezët” dhe padyshim kjo përballje do të vendosë shumë për titullin kampion.

Pas prezantimit zyrtar, trajneri i ri Tomas Tuhel doli edhe në konferencën e zakonshme për shtyp përpara ndeshjes. Aventura e tij me kampionët në fuqi të Bajernit nis përballë së shkuarës, pasi 49-vjeçari qëndroi për dy sezone në krye të Dortmundit, por pa mundur të konkurronte Bajernin e Mynihut në luftën për titullin kampion.

“Kam besim të plotë tek ekipi. Lojtarët janë mësuar të luajnë sfida të mëdha. E nis aventurën tim te Bajerni në muajin prill, me një pikë prapa liderëve në Bundesligë. Jemi në çerekfinalet e Kupës dhe gjithashtu luftojmë edhe për trofeun e Champions League. Pra jemi në garë për çdo titull. Ky është fokusi ynë. Është e vërtetë se është një kohë e pazakontë për të ardhur në një klub si Bajerni, por ne do të bëjmë maksimumin për ta mbyllur sa më mirë sezonin”, tha gjermani.

Kjo është skuadra e dytë që Tuhel drejton këtë sezon, pasi 49-vjeçari e nisi në krye të Çelsit, por u shkarkua nga drejtimi i klubit londinez pas rezultateve jo të mira.

“Ishte një tronditje. Fillimisht pata një takim në orën 8 të mëngjesit me drejtuesit e klubit, që ishte i shkurtër. Nuk doja të kaloja shumë kohë duke biseduar me njerëzit që morën këtë vendim. Unë mendoja se ishim në rrugën e duhur për të ndërtuar diçka. Ishte padyshim një marrëdhënie e veçantë. Çelsi ishte si një familje për mua. Kam bërë shumë miq atje dhe vazhdoj të komunikoj me disa prej tyre. Por tani kam nisur një sfidë të re. Ndiej energji dhe jam gati të jap më të mirën time”, tha Tuhel…





Lajmet e fundit nga