E fundit!

12:04 Opinione Mentor Kikia

Funerali i “Investitorit Strategjik”, ligji më i zi në historinë e Parlamentit Shqiptar!

Kryeministri i Shqipërisë i premtoi Komisionit Europian se...

Tronditet peshëngritja shqiptare, Evangjelia Veli rezulton me doping në Kampionatin Europian

20 Gusht 2022, 15:59, Sport CNA

Tronditet peshëngritja shqiptare, Evangjelia Veli rezulton me doping

Evangjeli Veli

Tronditet sërish peshëngritja shqiptare, Evangjelia Veli rezulton me doping në Kampionatin Europian. Shqiptarja që u shpall kampione Europe më 29 maj në Kampionatin Europian të zhvilluar në Tiranë nga ku mori 2 medalje të arta dhe një të argjendtë.

Ndërkohë, “Top Channel” mëson se pak ditë më parë Veli ka marrë rezultatin e analizave të dopingut nga ku ka rezultuar pozitive me doping, duke lëkundur ndjeshëm pozitat dhe karrierën e saj.

Testi i saj A ka pasur gjurmë stanazololi sipas Qendrës Ndërkombëtare të Testimeve. Në të tregohet qartë se në këtë test të parë janë gjetur gjurmë elementësh të konsideruar doping si Stanazololi, një ndër elementët më të fuqishëm të dopingut që kanë prekur e kanë përdorur shumë sportist edhe në të shkuarën.

Ndaj sportistes Veli janë marrë masa pezullimi të përkohshme ndërkombëtare, por edhe nga federata shqiptare e peshëngritjes, deri në pritje të testit B që tashmë është kryer nga sportistja pasi ka pasur afat deri më 3 gusht. Nëse edhe testimi B do të nxjerrë të njëjtën përgjigje, atëherë gjithcka do të jetë përfundimtare dhe Evangjelia Veli si përsëritëse, rrezikon deri në 8 vite pezullim, pasi edhe në vitin 2018 ka rezultuar pozitive ndaj dopingut sërish, me steroid anabolik.

Rezultati i testit B del në muajin shtator dhe deri atëherë burime pranë sportistes bëjnë me dije se do të ndërmarrë edhe hapa ligjorë kundër Qendrës Ndërkombëtare të testimeve antidoping për t’u mbrojtur.

Evangjelia Veli me 3 medaljet e fituara, 2 ari dhe një argjendi do të përfitonte 72 milionë lekë të vjetër nga shteti shqiptar, të cilat për momentin janë ngrirë dhe në rast se edhe testi B rezulton i njëjtë jo vetëm që nuk do t’i marrë, por edhe do t’i duhet të dorëzojë 3 medaljet e marra, duke rrezikuar edhe mbylljen e karrierës pasi pezullimi për të është 8 vite dhe aktualisht Evangjelië Veli është në moshë 30-vjecare.