web counter
LEXO PA REKLAMA!

SHKARKO APP

App Store
Google Play

E fundit!

x

Seria A, në "TIBO"/ Luhen sot katër ndeshje të javës së dytë, në fushë edhe Interi

20 Gusht 2022, 12:08, Sport CNA

Do të startojë sot në "OverSport" java e dytë e Serisë A. Do të luhen këtë të shtunë katër sfida, ku java do të startojë me ndeshjet Torino-Lacio dhe Udineze-Salernitana. Të dyja sfidat do të starojnë në orën 18:30.

Kështu Lacio kërkon fitoren e dytë në dy javë, por këtë herë ka përballë Torinon një ekip që nuk është aspak e lehtë për ta mposhtur. Sakaq, ekipi i Juricit vjen me moral të lartë në këtë takim pasi ka arritur të dalë me një fitore nga java e parë në sfidën përballë Monzës.

Udineze shihet si favorit në sfidën përballë Salernitanës, por Seria A ka treguar se surprizat nuk mund të mungojnë. Të dyja ekipet vijnë nga humbje në javën e parë me Udinezen që u mposht nga Milani dhe Salernitanën që humbi përballë Romës.

Ndërkohë që në orën 20:45 Interi kërkon të japë garanci me lojë dhe rezultat përballë Specias. Zikaltrit fituan vetëm në frymën e fundit në ndeshjen hapëse përballë Leces dhe tashmë kërkon të konfirmojë se është një pretendent serioz për titull.

Sfida tjetër e ditës së sotme që do të startojë po në 20:45 është ajo midis Sasuolos dhe Leces. Të dyja ekipet vijnë nga një humbje në javën e parë respektivisht ndaj Juventusit dhe Interit dhe do të kërkojnë të marrin pikët e para në këtë edicion të Serisë A. 





Lajmet e fundit nga