web counter
LEXO PA REKLAMA!

SHKARKO APP

App Store
Google Play

Tri vite pritje për të thyer “mallkimin” në “Air Albania”, Skuka nxorri nga “errësira” Partizanin

23 Dhjetor 2022, 08:49, Sport CNA

Tri vite pritje për të thyer “mallkimin” në

Partizani siguroi fitoren ndaj rivalëve të tyre të kryeqytetit, triumf që vlen më shumë se 3 pikë ndaj një kundërshtari të tillë. Goli i Xhuliano Skukës u ka mjaftuar të kuqve për të triumfuar në “Air Albania” me stadiumin që ishte kthyer në një “mallkim” në ndeshjet derbi.

Prej gati 3 vitesh, ku në “Air Albania” është luajtur edhe derbi i parë mes dy skuadrave të kryeqytetit, Partizani nuk ia kishte dalë në asnjë rast të fitonte ndaj bardhebluve, me stadiumin e ri që ishte kthyer në një tabu.

Skuka pa diskutim ka një meritë kryesore në fitoren e ditës së mërkurë, pasi pikërisht sulmuesi dibran do të thyente këtë mallkim për demat, ndërsa do t'i jepte edhe fitoren e parë në derbi në “Air Albania”.

Derbi i parë që është luajtur në “Air Albania” është më 13.12.2019 ora 19:00, takim që do të përfundonte me shifrat 1-2 për Tiranën, ku demat do të ishin skuadra pritëse. Golat do të shënoheshin nga Batha 7’ dhe Cobbinah 90’ për bardheblutë, ndërsa për të kuqtë Jurgen bardhi 11’.

Gjithsej në “Air Albania” janë zhvilluar 6 derbe, ku 3 takime kanë përfunduar me fitoren e Tiranës, 2 në barazim dhe vetëm 1 takim në favor të Partizanit, pikërisht sfida e së mërkurës.





Lajmet e fundit nga