E fundit!

14:34 Aktualitet

Kërcënim për sigurinë kombëtare/ Ikballe Berisha shpallet “non grata” në Shqipëri

Ministri i Brendshëm Besfort Lamallari ka nxjerrë urdhrin ...

Partizani mendon afrimin e bujshëm, ofertë zyrtare për ish-sulmuesin e Kombëtares shqiptare

23 Dhjetor 2022, 08:45, Sport CNA

Partizani mendon afrimin e bujshëm, ofertë zyrtare për

Sulmi është reparti ku Partizani do të përqendrohet më së shumti për të forcuar skuadrën, duke u nisur nga fakti që në këtë repart nuk kanë shumë opsione dhe në rast se mungon qoftë edhe një lojtar, hapet një “gropë” e madhe. Largimi i Cvetanoskit uli numrin e opsioneve për Kolelën, që herë pas here i është dashur të eksperimentojë.

Gjithsesi, Partizani në merkato nuk është hedhur për të shtuar alternativat, por për të sjellë pesha të rënda, që ta ndihmojnë të shpallet kampion. Mësohet se të kuqtë i janë vënë pas Eros Grezdës, ish-sulmuesit të Kombëtares, i shumëshëtitur në disa klube me emër jashtë vendit.

SITUATA – Në verën e shkuar, pasi kaloi dëmtimin e rëndë në gju, Grezda firmosi me ekipin e Manisës në ligën e dytë për nga rëndësia në Turqi, opsion, të cilin e pa si një mundësi të artë për t’u ringritur në arenën e madhe të futbollit.

Gjithsesi, duket se në skuadrën e re ai nuk ka gjetur hapësira dhe ambientin e duhur për të arritur synimin e tij. Ish-sulmuesi i Reinxhers në Skoci ka luajtur në vetëm 10 ndeshje deri më tani, duke grumbulluar vetëm 231 minuta, pa arritur të shënojë apo asistojë.

Aktivizimi i paktë e bën gjakovarin të mendojë largimin nga Manisa dhe të shohë për një tjetër ekip, ku të ndihet më i rëndësishëm dhe të luajë rregullisht.

OFERTA – Këtë mundësi është gati, t’ia dhurojë Partizani. Përfaqësues të klubit të kuq e kanë kontaktuar zyrtarisht Grezdën, duke i prezantuar projektin e trajnerit mbi të dhe i bërë një ofertë zyrtare, shifrat e së cilës nuk bëhen ende të ditura.

Sulmuesi i djathtë ka mirëpritur propozimin e Partizanit, duke lënë gjithçka të hapur, por ka zgjedhur të mos kthejë një përgjigje, deri në momentin ë ende nuk është ndarë zyrtarisht me klubin aktual.

Paga e Grezdës është gjithashtu një ngërç mes palëve, pasi 27- vjeçari qëndron në një stad tjetër në krahasim me pagat e lojtarëve aktualë te të kuqtë.

Gjithsesi, në raste të tilla, e shkuara ka treguar se të kuqtë janë në gjendje të afrojnë lojtarë të një standardi të tillë, me Grezdën, që gjithashtu duhet të pranojë një ulje nga ana e tij.