web counter
LEXO PA REKLAMA!

SHKARKO APP

App Store
Google Play

E fundit!

x

Transferimi në Spanjë mbetet në “ajër”, Aubameyang “peng” i 8 minutave

13 Janar 2023, 09:10, Sport CNA

Transferimi në Spanjë mbetet në “ajër”,

Pierre-Emerick Aubameyang po kalon një sezon shumë të vështirë në aspektin individual duke qenë se nuk po gjen vazhdimësinë. Sulmuesi kaloi në Londër te Chelsea nga Barcelona me anë të formulës së huazimit, megjithatë me ndryshimin e trajnerit te blutë e Londrës dhe me emërimin e Graham Potter, gabonezi është shndërruar në një lojtar stoli.

Në këtë formë, 33-vjeçari konsideroi edhe një ndryshim të skuadrës në merkaton e janarit me Atletico Madrid që e konsideroi si zëvendësues të Joao Felix që kaloi pikërisht te Chelsea. Por, ajo që pengon këtë transferim është fakti që Aubameyang luajti tetë minuta në ndeshjen e parë të sezonit për Barcelonën ndaj Rayo Vallecanos.

Ishin vetëm tetë minuta, por rregullat janë të qarta dhe një lojtar nuk mund të luajë për tri skuadra të ndryshme gjatë një sezoni në momentin që Atletico aktivizohet në të njëjtin kampionat me katalanasit. Mbetet për t’u parë tashmë nëse Aubameyang do të tentojë firmën me një tjetër skuadër duke qenë se situata te Chelsea vështirë të ndryshojë, sidomos edhe pas transferimit të Joao Felix.





Lajmet e fundit nga