E fundit!

09:23 Aktualitet

Zbatimi i Aministisë Penale/ Dhjetëra të dënuar lënë burgjet në Korçë

Ka nisur zbatimi i Amnistisë Penale në institucionet e vua...

Toni Kros befason me deklaratën e tij: Ky trajner më përshtatej më shumë…

4 Nëntor 2022, 11:04, Sport CNA

Toni Kros (32) ka qenë me Real Madridin për më shumë se tetë vjet dhe që atëherë ka qenë pjesë integrale e ansamblit mbretëror të mesfushës. Në ndeshjen e fundit në grup të Champions League kundër Celtic Glasgow, klubi i tij mundi ta merrte lehtë. Reali ishte tashmë i kualifikuar. Në fund pati një fitore 5-1.

Por, siç e dini, kampioni i botës, i tregoi aftësitë e tij edhe kundër Glasgow edhe nëse nuk ishte më për asgjë. Ndoshta edhe për shkak se Kros, është stërvitur nga një numër trajnerësh të mëdhenj, për të cilët suksesi është parësor.

Në karrierën e tij, Kros ka luajtur nën urdhrat e trajnerëve: Jupp Heynckes (77/FC Bajern), Louis van Gaal (71/FC Bajern), Zinédine Zidane (50/Real Madrid), ish-trajneri i kombëtares spanjolle Julen Lopetegui (56/ Real Madrid) dhe Santiago Solari (42/Real Madrid). Por mesfushori gjerman u mor veçanërisht me Pep Guardiolën (51), me të cilin Kros punoi te Bajerni në sezonin 2013/14. Kampioni i botës e ka bërë këtë rrëfim në programin “Universo Valdano”.

Kros thotë për Guardiolën: “Nëse më duhet të zgjedh një trajner që është perfekt për lojën time, ai është Guardiola. Më pëlqeu vërtet viti me të, më përmirësoi shumë.” Në vitin e fundit të kohës së tij me kampionët gjermanë të Bajern Mynihut, ai luajti 51 ndeshje nën drejtimin e trajnerit të shquar spanjoll.

Pas Kupës së Botës 2014, mesfushori u transferua te Real Madrid për 25 milionë euro. Megjithëse Kros shpjegon: “Guardiola luftoi deri në ditën e fundit që unë të qëndroja me Bajernin”. Shkak i largimit të tij nga bavarezët nuk ka qenë trajneri, por mosvlerësimi i drejtuesive të klubit. Pasi nuk ra dakord për një zgjatje të kontratës me kampionët e Bajernit, Kros bëri kthesën.

Aktualisht mesfushori Kros po ecën mjaft mirë edhe nën drejtimin e trajnerit Karlo Anceloti këtë sezon. Ish-lojtari i kombëtares ka bërë 16 ndeshje, ndërkohë që ka deklaruar se dëshiron ta mbyllë karrierën në Madrid.

Pyetja e vetme është se kur? Kontrata e tij është deri në verën e vitit 2023. Vendimi duhet të merret deri në pranverën e ardhshme, nëse Kros do të vazhdojë të luajë në fanellën mbretërore apo do të heqë dorë nga karriera për të kaluar kohë me familjen. E ardhmja do ta tregojë. Në çdo rast, Pep Guardiola me siguri do të jetë i lumtur për deklaratën e Kros!