web counter
LEXO PA REKLAMA!

SHKARKO APP

App Store
Google Play

E fundit!

x

“Kompeticion i dështakëve”, Murinjo “thumbon” keq Taren: Ai është problemi i Lacios

4 Nëntor 2022, 08:57, Sport CNA

“Kompeticion i dështakëve”, Murinjo “thumbon”

Në "Olimpico", Roma vuajti jo pak ndaj Ludogorets për të marrë biletën e raundit pasardhës të Europa League. Verdhekuqtë e mbyllën pjesën e parë në disavantazhin e një goli, ndërsa në të dytën, u desh ndërhyrja e trajnerit Zhose Murinjo që aktivizoi Nikolo Zaniolon për të ndryshuar krejtësisht panoramën.

Fantazisti ishte i papërmbajtshëm duke fituar dy penallti të shndërruara më pas në gol nga Pelegrini, teksa në fund, Zaniolo vulosi triumfin me golin e tretë. Në entuziazmin e kualifikimit, tekniku Zhose Murinjo nuk ngurroi të thumbonte edhe rivalët e qytetit, Lacio.

Bardhekaltrit u eliminuan nga Europa League dhe do të vijojnë aventurën europiane në Conference League, një kompeticion i cili së fundmi është quajtur si “Kompeticioni i Dështakëve” nga ana e drejtorit të Lacios, Igli Tare. Kështu, Murinjo theksoi se nisur nga fjalët e drejtorit shqiptar, ndoshta Lacio nuk ka për synim t’i shkojë deri në fund Conference League.

“Për mua Lacio është favorite në Conference League, por ndoshta problemi i tyre është Zoti Tare. Ai nuk kërkon ta fitojë Conference League, e ka quajtur si kompeticioni i dështakëve”, theksoi Murinjo.





Lajmet e fundit nga