web counter
LEXO PA REKLAMA!

SHKARKO APP

App Store
Google Play

Partizani surprizon tifozët, “demat” do të luajnë në stadiumin e ri ndeshjen e radhës

3 Nëntor 2022, 16:53, Sport CNA

Partizani surprizon tifozët, “demat” do të luajnë

Gjatë ditëve të fundit në stadiumin e Partizanit po punohet me ritëm maksimal dhe është bërë thuajse i gjithë rrethimi i nevojshëm i impiantit, për të plotësuar kushtet e sigurisë.

Gjithashtu është bërë edhe ndarja e sektorit mik, teksa pritet nga dita në ditë instalimi i banerave pas portave. Drejt ardhjes janë edhe stolat e tribunës VIP, të vetmit që mungojnë.

Ky ritëm maksimal i punimeve në stadium ndodh për shkak se klubi ka planifikuar t’i luajë në shtëpinë e vet të re pjesën më të madhe të ndeshjeve si pritës në këtë sezon.

Kështu, sfida ndaj Bylisit në javën e dytë të këtij muaji pritet të luhet në stadiumin e ri.

I vetmi problem i impiantit është fakti se fusha është sintetike, por FSHF-ja ka dhënë miratimin dhe skuadra është ndierë mirë në sfidën ndaj Orikut, që ishte si një lloj prove gjenerale.

Së shpejti në stadium do të vendoset në punë edhe impianti i ndriçimit dhe do të mund të luhet edhe në orët e darkës, që është një avantazh më vete.





Lajmet e fundit nga