web counter
LEXO PA REKLAMA!

SHKARKO APP

App Store
Google Play

Tjetër afrim për Skënderbeun, arrihet marrëveshja me mbrojtësin brazilian

16 Qershor 2023, 14:48, Sport CNA

Tjetër afrim për Skënderbeun, arrihet marrëveshja me

Skënderbeu bën afrimin e dytë në merkaton e verës. Pas mbrojtësit të majtë korçar, Klevis Shaqe, një tjetër lojtar i prapavijës ka arritur akordin me bardhekuqtë dhe do t’i bashkohet ekipit në ditën e parë të stërvitjes më 26 qershor. "Panorama Sport" mëson se bëhet fjalë për qendërmbrojtësin brazilian, Markos Ramos (emri i plotë është Markos Matheus de Oliveira Ramos), i cili në sezonin e fundit ka qenë pjesë e Burrelit në Kategorinë e Parë.

24-vjeçari është afirmuar në futbollin shqiptar si pjesë e Egnatias në vitet 2019-2021, duke bërë paraqitje të mira. Në Kategorinë e Parë ka luajtur 50 ndeshje, duke shënuar edhe dy gola si pjesë e Burrelit. Interesant është fakti se një prej golave, Ramos e ka shënuar në portën e Skënderbeut, pikërisht në ndeshjen e luajtur më 8 tetor 2022, që u fitua 4-1 nga bardhekuqtë.

Mësohet se me shtatlartin Ramos është arritur marrëveshja dhe tashmë mbetet vetëm zyrtarizimi nga ana e klubit korçar. Në sezonin e fundit braziliani ka qenë lider në mbrojtjen e matjanëve dhe kjo duket se tërhoqi vëmendjen e Skënderbeut, që pëlqeu lojtarin dhe arriti të bindë atë për t’u transferuar në Korçë pas përfundimit të kontratës me Burrelin.

Drejtuesit e klubit bardhekuq janë në kërkim të lojtarëve të tjerë tashmë në repartin e mesfushës dhe sulmit. Për momentin duket si një merkato me profil të ulët, por presidenti Ardjan Takaj nuk kërkon të nxitohet, në një kohë që lojtarët janë vëzhguar imtësisht nga trajneri Ivan Gvozdenoviç, i cili ka dhënë OK-in.

Tifozët korçarë janë mësuar në të kaluarën për merkato me emra “Big”, por duket se kjo nuk do të ndodhë, me presidencën që po mundohet të afrojë lojtarë që mund të shkëlqejnë në Superiore në sezonin e tyre të parë.

 





Lajmet e fundit nga