web counter
LEXO PA REKLAMA!

SHKARKO APP

App Store
Google Play

E fundit!

x

Tentativa e Ronaldos për t’u larguar nga Junajtid has një tjetër pengesë

26 Tetor 2022, 14:06, Sport CNA
Tentativa e Ronaldos për t’u larguar nga Junajtid has një
Kristiano Ronaldo

Shpresat e Kristiano Ronaldos për të siguruar një largim nga Mançester Junajtid gjatë afatit kalimtar të janarit kanë pësuar një goditje pasi ideja për t’u rikthyer në Sporting Lison është rrëzuar.

Mendohet se pesë herë fituesi i "Topit të Artë" favorizoi një rikthim në klubin e tij të fëmijërisë për të shënuar kapitullin e fundit të një karriere të shkëlqyer klubi, por trajneri i Sportingut, Ruben Amorim, nuk është optimist se një marrëveshje mund të arrihet. Kjo vjen pavarësisht nga fakti se Junajtid thuhet se është i prirur të largojë sulmuesin përpara se ai të shkaktojë përçarje të mëtejshme në dhomën e zhveshjes në “Old Trafford”.

Ai tashmë ka qenë subjekt i një dënimi nga trajneri Erik ten Hag këtë muaj, me holandezin që e ndaloi përkohësisht atë nga ekipi i parë në stërvitje dhe për barazimin e fundit 1-1 jashtë Çelsit pasi ai refuzoi të dilte nga pankina në ndeshjen kundër Totenhemit.

Disa do të pyesin pse Sporting do ta dëshironte atë lloj problemi në dhomën e tyre të zhveshjes, por nuk ka gjasa që Amorim të përballet me një dhimbje koke të ngjashme me Ten Hag.

“Ronaldo është një lojtar i Manrçester Junajtidit. Të gjithë në Sporting ëndërrojnë për rikthimin e Kristianos, por ne nuk kemi para për t’i paguar pagat e tij”, ka thënë ai shkurtazi.

Është e vërtetë që kapiteni portugez është me një shumë të jashtëzakonshme parash në "Old Trafford" dhe besohet të jetë lojtari më i paguar në Ligën Premier. Është një shpenzim që aktualisht nuk ia vlen nga këndvështrimi i Junajtidit, me Ten Hagun që heziton të përdorë Ronaldon në ndeshjet më të rëndësishme. 





Lajmet e fundit nga