web counter
LEXO PA REKLAMA!

SHKARKO APP

App Store
Google Play

E fundit!

x

“Gjobat e UEFA-s janë si një kafe për Naserin”, Tebas sulmon sërish PSG-në: Duhet të ndëshkohen

26 Tetor 2022, 13:25, Sport CNA

Presidenti i ligës spanjolle të futbollit, Havier Tebas, vazhdon betejën kundër PSG-së. Në një intervistë për "L’Equipe", ai ka folur për rinovimin e Mbapesë dhe rregullat e "Fair Play"-it Financiar të anashkaluara edhe një herë nga Naser al Kelaif.

“Ne e dinim që PSG-ja do të duhej të paguante shumë para për të mbajtur Mbapenë. PSG dhe Al Kelaif kanë treguar se paratë nuk janë problemi i tyre. Nëse do të ishte e nevojshme t’i jepeshin edhe 200 milionë të tjera lojtarit, ata do t’i jepnin. Megjithatë, sipas rregullave aktuale është e pamundur që PSG t’i përballojë ato shpenzime. Në gjashtë apo shtatë sezonet e fundit, PSG ka shprenzuar 1 miliard euro duke falsifikuar kështu ekosistemin e futbollit europian. Si mund të konkurrojnë klubet e tjera me dikë që shprenzon 1 miliard euro? Është e komplikuar”, ka thënë Tebas.

Ndër të tjera ai foli edhe për marrëdhëniet e klubit parizien me UEFA-n.

“Nuk mund ta shpjegoj dot, e kemi denoncuar këtë situatë. Rregullat duhet të zbatohen në mënyrë më efektive. UEFA gjobit PSG-në me 10 milionë, ndërsa për Naserin është si të pish një kafe! Dënimet duhet të jenë bindëse dhe gjithashtu të prekin lojtarët. Kjo situatë nuk duhet të vazhdojë kështu”, përfundoi presidenti i La Ligës.





Lajmet e fundit nga