web counter
LEXO PA REKLAMA!

SHKARKO APP

App Store
Google Play

E fundit!

x

Tek Italia duan të “rrëmbejnë” Shpendin, askush nuk ka shënuar sa ai

3 Nëntor 2024, 13:54, Sport CNA
Tek Italia duan të “rrëmbejnë” Shpendin, askush nuk
Cristian Shpendi

Sulmuesi i Kombëtares U-21 të Shqipërisë, Cristian Shpendi, është shndërruar në një “makineri” golash në Itali.

Shqiptari po shënon rregullisht me skuadrën e Cesena-s, ndërsa është shumë vendimtar në ecurinë pozitive të kësaj skuadre.

Forma e mirë e 21-vjecarit shqiptar këtë sezon, por edhe edicionin e kaluar ka tërhequr vëmendjen e tifozëve në Itali, të cilët tashmë kanë nisur të ëndërrojnë që Shpendi të bashkohet me kombëtaren italiane.

“Sky Italia” thekson faktin se Cristian Shpendi është me dy shtetësi, shqiptare dhe italiane, pasi ka lindur në Ancona.

Madje kjo medie shton faktin se asnjë italian nuk ka shënuar aq shumë sa ai.

“Shpendi në kombëtare? Asnjë italian nuk shënon sa ai”,- shkruhet në artikullin e publikuar në “SKY Italia”, nga gazetari Gianluca Dimarzio.

Edicionin e kaluar sulmuesi i “Shpresave” shënoi 22 gola në kampionat, “Coppa Italia Serie C” dhe “Supercoppa Italiana Serie C”.

Ndërsa këtë sezon në Serie B dhe “Coppa Italia”, Shpendi ka shënuar plot 8 gola duke dërguar numrin e golave të shënuar në 30.

Një statistikë që nuk është arritur nga asnjë lojtar tjetër italian duke nisur nga gushti i vitit të kaluar./CNA





Lajmet e fundit nga