web counter
LEXO PA REKLAMA!

SHKARKO APP

App Store
Google Play

E fundit!

x

E papritur për Marcelo-n, klubi i ndërpret kontratën. Trajneri e ofendoi dhe turpëroi

3 Nëntor 2024, 13:41, Sport CNA

E papritur për Marcelo-n, klubi i ndërpret kontratën. Trajneri e

Marcelo është përballur me një situatë të vështirë së fundmi, te klubi i tij i fëmijërisë. Pas një përplasje me trajnerin, Fluminense ka vendosur të ndërpresë kontratën e mbrojtësit të majtë.

Të shtunën, Fluminense barazoi 2-2 me Gremio në kampionatin brazilian. Marcelo ishte vendosur të hynte si zëvendësues me afrimin e minutave të fundit, me vendasit që kryesonin 2-1. Ai ishte gati të aktivizohej, por trajneri Mano Menezes e turpëroi dhe shau përpara se ta shtynte dhe ta urdhëronte të ulej në stol sërish, skena që fansat nuk kishin parë ndonjëherë më parë dhe morën shumë reagime në internet.

Por gjërat u përkeqësuan për Marcelon pasi rezultoi se ishte akti i tij i fundit me një fanellë të Fluminense. Në një deklaratë, klubi konfirmoi se marrëveshja e tij është ndërprerë me pëlqim të ndërsjellë. “Fluminense FC dhe Marcelo Vieira njoftojnë ndëprerjen e kontratës me marrëveshje të ndërsjellë ndërmjet palëve”, thuhet në deklaratë.

“I dalë në kategoritë e të rinjve, Marcelo u rikthye te Fluminense në vitin 2023, pasi kishte marrë pjesë në fitimin e titujve Campeonato Carioca 2023, Conmebol Libertadores 2023 dhe Recopa 2024″.

“Lidhjet institucionale dhe emocionale mes Fluminense dhe Marcelo vazhdojnë të ruhen. Emri i sportistit u përjetësua së fundmi në stadiumin e qendrës stërvitore Xerem”.

“Fluminense falënderon Marcelon dhe do të vazhdojë, si gjithmonë, të mbështesë suksesin e tij në të gjitha sfidat e tij”, thuhet më tej në komunikatë.

Ai u largua nga Real Madrid në vitin 2022 dhe pati një periudhë të shkurtër te Olympiacos në Greqi përpara se të vuloste një rikthim përrallor te Fluminense, ku ka luajtur 68 herë dhe ka fituar Copa Libertadores.





Lajmet e fundit nga