web counter
LEXO PA REKLAMA!

SHKARKO APP

App Store
Google Play

Milan bën detyrën ndaj Monza-s, Juventus bind në transfertën e Udinese-s

2 Nëntor 2024, 22:53, Sport CNA
Milan bën detyrën ndaj Monza-s, Juventus bind në transfertën
Milan

Milan rikthehet te fitorja në kampionat, teksa mposht me rezultatin 0-1 në transfertë Monza-n, në takimin e javës së 11-të të Serie A.

Sfida e luajtur në “Brianteo” u zhbllokua në minutën e 43’, me Reijnders që shënoi golin e vetëm dhe të fitores për “kuqezinjtë”.

Pavarësisht tentativave në fraksionin e dytë si nga vendasit ashtu edhe nga miqtë, ky takim u mbyll me vetëm një gol.

Pas javës së 11-të të Serie A, Monza renditet në vend të 18-të me tetë pikë, teksa Milan në vend të shtatë me 17 pikë.

Sa u përket ndeshjeve të tjera që u luajtën këtë të shtunë në Serie A, Juventus fitoi 0-2 në trasnfertën e Udinese-s.

“Bardhezinjtë” morën avantazhin falë autogolit të Okoye në minutën e 19’, teksa Savona vulosi fitoren me golin e minutës së 37’.

Pas raundit të 11-të të Serie A, Udinese renditet në vend të tetë me 16 pikë, teksa Juventus në vend të tretë me 21 pikë.

Ndërkohë, ndeshja Bologna-Lecce u mbyll me rezultatin 1-0, me golin e vetëm që e realizoi Orsolini në minutën e 85’, duke thelluar më tej krizën e miqve.

Pas javës së 11-të të Serie A, Bologna renditet në vend të nëntë me 15 pikë, teksa Lecce e Ylber Ramadanit, në vend të 19-të me tetë pikë./CNA





Lajmet e fundit nga