web counter
LEXO PA REKLAMA!

SHKARKO APP

App Store
Google Play

Java e 12-të e Superiores luhet të dielën dhe të hënën, spikatin dy takime

2 Nëntor 2024, 13:24, Sport CNA
Java e 12-të e Superiores luhet të dielën dhe të
Kategoria Superiore, Burimi: FSHF

Të dielën dhe të hënën do të luhet java e 12-të e Kategorisë Superiore.  Kjo javë nis menjëherë me një ndeshje të fortë në “Egnatia Arena”. Të dielën në orën 14:00, kampionët në fuqi të Egnatias do të presin në shtëpi Tiranën. Një ndeshje interesante ku të dyja ekipet kërkojnë rikthimin te fitorja në kampionat.

Pasditen e të dielës do të luhet edhe ndeshja Vllaznia – Skënderbeu. Në stadiumin “Loro Boriçi” në orën 17:00, kuqeblutë presin në shtëpi Skënderbeun dhe do të kërkojnë triumfin e radhës. Nga ana tjetër korçarët synojnë të lënë pas humbjen me Partizanin dhe të rikthehen te rezultatet pozitive.

Java e 12-të e Kategorisë Superiore mbyllet të hënën me tre sfidat e fundit. Bylis – Laçi është takimi i parë i ditës që do të luhet në stadiumin “Adush Muça”, në orën 14:00. Dy ndeshjet e fundit do të zhvillohen në orën 18:00. Partizani pret në “Arenën e Demave” Teutën, ndërsa në “Elbasan Arena”” do të luhet superdueli AF Elbasani – Dinamo City.

Kategoria Superiore – Java 12

E diel, 3 nëntor

Egnatia-Tirana                                  14:00

Vllaznia-Skënderbeu                        17:00

E hënë, 4 nëntor

Bylisi-Laçi                                          14:00

Partizani-Teuta                                 18:00

AF Elbasani-Dinamo City               18:00/CNA

 





Lajmet e fundit nga