web counter
LEXO PA REKLAMA!

SHKARKO APP

App Store
Google Play

Ertjan Kofsha i dhuron medalje ari Shqipërisë, shpallet nënkampion Europe në peshëngritje

1 Nëntor 2024, 14:57, Sport CNA
Ertjan Kofsha i dhuron medalje ari Shqipërisë, shpallet
Ertjan Kofsha

Ertjan Kofsha i ka dhuruar një sukses të madh Shqipërisë dhe tre medalje, një ari dhe dy argjendi, nga kampionati Europian i peshëngritjes që po zhvillohet në Poloni.

Peshëngritësi “kuqezi” triumfoi në stilin e shkëputjes, duke ngritur 162 kilogramë dhe për këtë siguroi medaljen e arit.

Më tej, shqiptari arriti të shpallej nënkampion i Europës, ai mori medalje argjendi në shtytje, me 192 kilogramë.

Ndërsa sa i përket, 354 kilogramë në total, Ertjan Kofsha u pozicionua i dyti në dygarësh dhe nënkampion i Europës në eventin e moshës deri në 23 vjeç.

Përmes një reagimi në rrjetet sociale, Federata Shqiptare e Peshëngritjes njofton se Ertjan Kofsha i ka dhënë një tjetër sukses Shqipërisë.

“Shqipëria ka arritur një sukses të madh në Kampionatin Europian të Peshëngritjes në Poloni duke fituar tre medalje nga sportisti Ertjan Kofsha.

Ky është një moment i rëndësishëm për peshëngritjen shqiptare, pasi sportistët tanë po tregojnë përformancë të shkëlqyer në garat ndërkombëtare dhe po sjellin krenari për vendin.

Ky rezultat është një tregues i punës së madhe dhe përkushtimit të trajnerëve dhe sportistëve tanë në këtë sport.

Medaljet e fituara janë një arritje e rëndësishme për Shqipërinë dhe një nxitje për zhvillimin e mëtejshëm të peshëngritjes në nivel ndërkombëtar”-shkruhet në postimin e Federatës Shqiptare të Peshëngritjes.

Një arritje kjo e Ertjan Kofshës, që dëshmon edhe njëherë tjetër që peshëngritja është një nga sportet, ku shqiptarët janë më të suksesshëm./CNA





Lajmet e fundit nga