web counter
LEXO PA REKLAMA!

SHKARKO APP

App Store
Google Play

E fundit!

x

Tetë gola dhe dy kartonë të kuq, çfarë ndodhi në ndeshjet e së premtes në Serie A?

1 Nëntor 2024, 08:58, Sport CNA
Tetë gola dhe dy kartonë të kuq, çfarë ndodhi në
Lazio, Burimi: Flashscore

Të enjten në mbrëmje u mbyll raundi i 10-të i Serie A, me dy takimet e fundit që ishin Roma-Torino dhe Como-Lazio.

Kryeqytetasit e Italisë fituan me rezultatin minimal 1-0 ndaj torinezëve me trajnerin Ivan Juric që u rikthye te triumfi në përballjen ndaj ish-skuadrës së tij.

“Verdhekuqtë” diktuan ritmin e sfidës, teksa shënuan golin e vetëm dhe të fitores në minutën e 20’ me Dybala-n.

Në fund ky takim u mbyll me rezultatin 1-0, me Roma-n që renditet në vend të 10-të me 13 pikë, teksa Torino renditet në vend të nëntë me 14 pikë.

Ndërkohë, sfida Como-Lazio prodhoi gjashtë gola dhe dy kartonë të kuq.

Ky takim u mbyll me rezultatin 1-5, me sfidën që u zhbllokua në minutën e 28’ nga Castellanos që shënoi me penallti për Lazio-n, teksa vetëm tre minuta më pas Pedro shënoi edhe golin e dytë për ekipin e tij.

Në nisje të pjesës së dytë, më saktë në minutën e 53’ Mazzitelli shënoi për vendasit duke rihapur sfidën.

Megjithatë në minutën e 62’ Braunoder mori kartonin e dytë të verdhë dhe i la vendasit me dhjetë lojtarë.

Inferioriteti numerik i Como-s zgjati vetëm tre minuta, pasi në minutën e 65’ Nuno Tavares po ashtu u ndëshkua me kartonin e dytë të verdhë dhe la Lazio-n me dhjetë lojtarë.

Në minutën e 71’, Patric  realizoi golin e tretë për Lazion, teksa Castellanos realizoi golin e katërt në minutën e 81’.

Ky takim u vulos në minutën e 90+5’, me Tchaouna që shënoi golin e pestë për Lazio-n.

Como renditet në vend të 15-të me nëntë pikë, teksa Lazio në vend të pestë me 19 pikë.

Teksa sa i përket sfidës së pasdites, Genoa-Fiorentina u mbyll me rezultatin 0-1, me golin e vetëm që u shënua nga Gosens.

Pas javës së 10-të të Serie A, Genoa renditet në vend të fundit me gjashtë pikë, Fiorentina renditet në vend të katërt me 19 pikë./CNA





Lajmet e fundit nga