web counter
LEXO PA REKLAMA!

SHKARKO APP

App Store
Google Play

Nuk lejoi largimin e Mirlind Dakut, drejtori sportiv i Rubin Kazan-it zbulon arsyen pse

31 Tetor 2024, 13:56, Sport CNA
Nuk lejoi largimin e Mirlind Dakut, drejtori sportiv i Rubin Kazan-it zbulon
Mirlind Daku

Sulmuesi i Kombëtares shqiptare të futbollit, Mirlind Daku ishte shumë pranë ndryshimit të skuadrës gjatë merkatos së verës, por në fund diçka e tillë nuk ndodhi.

Drejtori sportiv i Rubin Kazan-it, Konstantin Dzyuba, ka folur për mediat ruse për të ardhmen e sulmuesit shqiptar, që me shumë mundësi mund të largohet gjatë merkatos së dimrit.

“Për Dakun ka pasur interes si para Europianit ashtu edhe pas tij. Ka pasur oferta zyrtare. Pas Europianit, interesimi për të u rrit ndjeshëm. Para së gjithash, aspekti financiar nuk na përshtatej, kështu që më tej negociatat nuk kishin kuptim. Ne jemi në bisedime të vazhdueshme me Mirlindin. Si çdo lojtar, ai ka motivin për t’u rritur. Ai ka ambicie, por ajo që më pëlqen tek ai është se ai ka vlerat e duhura. Në këtë fazë ai është i kënaqur me gjithçka te Rubin-i. Kur të vijë koha për të ndryshuar diçka, do ta diskutojmë së bashku dhe do të marrim një vendim të përbashkët”,-tha Dzuyba.

Gjatë verës, Mirlind Daku u kërkua nga Cagliari në Serie A, por edhe nga disa klube në Rusi, teksa në fund u vendos që të mos largohej nga Rubin Kazan.

Këtë sezon, Daku ka shënuar gjashtë gola dhe ka dhënë tri asistime në 12 ndeshje me Rubin Kazan-in./CNA





Lajmet e fundit nga