web counter
LEXO PA REKLAMA!

SHKARKO APP

App Store
Google Play

Bayern-i triumfon me “poker”, te bavarezët ka minuta edhe për sulmuesin me origjinë shqiptare

31 Tetor 2024, 09:53, Sport CNA
Bayern-i triumfon me “poker”, te bavarezët ka minuta edhe
Bayern Munich

Bayern Munich triumfon me “poker” në transfertën e Mainz-it dhe kalon në raundin e 1/8-ave të Kupës së Gjermanisë.

Skuadra e Vincent Kompany u shfaq e pamëshirshme, teksa zhbllokoi rezultatin që në minutën e dytë me Jamal Musiala-n, që në këtë përballje u shfaq perfekt.

21-vjeçari bavarez shënoi golin e dytë në minutën e 37’, me të dy rastet i asistuar nga Harry Kane.

Ndërsa, në minutën e 45+1’ rrugën drejt rrjetës e gjeti edhe Sane, i cili i dhuroi golin e tretë ekipit mik.

Megjithatë fraksioni i parë nuk u mbyll me kaq, pasi në minutën e 45+4’ Musiala shënoi edhe golin e fundit të kësaj sfide.

Pjesa e dytë ishte më e qetë, teksa nuk solli gola të tjerë.

Minuta në këtë përballje pati edhe për talentin me origjinë shqiptare të bavarezëve, Arijon Ibrahimovic, me sulmuesin që zëvendësoi Dier në minutën e 77’.

Bayern-i triumfon me “poker”, te bavarezët ka minuta edhe
Arijon Ibrahimovic

Në fund gjithçka u mbyll me rezultatin 0-4, me Mainz-in që u eliminua nga Kupa e Gjermanisë, teksa Bayern Munich kaloi në raundin e 1/8-ave.

Në fazën tjetër të Kupës së Gjermanisë, nga sfidat e së mërkurës kaluan edhe Eintracht Frankfurt që eliminoi Borussia Monchengladbach, kaluan po ashtu në 1/8-at edhe Freiburg, Hertha Berlin, Werder Bremen, Hoffenheim dhe Darmstadt, ndërsa zhgënjeu Union Berlin që u eliminua nga Arminia Bielefeld./CNA





Lajmet e fundit nga