web counter
LEXO PA REKLAMA!

SHKARKO APP

App Store
Google Play

E fundit!

x

Tottenham eliminon Manchester City-n nga EFL Cup, ja cilat janë dyshet çerekfinaliste

31 Tetor 2024, 11:36, Sport CNA
Tottenham eliminon Manchester City-n nga EFL Cup, ja cilat janë dyshet
Tottenham

Të mërkurën në mbrëmje u luajtën ndeshjet e raundit të 1/8-ave të Kupës së Ligës, nga ku u dolën skuadrat çerekfinaliste.

Tottenham bëri mrekullinë, ndërsa eliminoi Manchester City-n nga Kupa e Ligës në raundin e 1/8-ave.

Skuadra e “Spurs” fitoi me rezultatin 2-1 dhe siguroi kalimin në fazën çerekfinale të Kupës së Ligës.

Sfida e luajtur në “Tottenham Hotspur Stadium” u zhbllokua në minutën e 5’, me Timo Werner që kaloi vendasit në avantash.

Sulmet vazhduan nga të dyja skuadrat, kur në minutën e 25’ Sarr shënoi edhe golin e dytë për Tottenham.

Te City provuan të reagonin dhe ngushtuan diferencën në minutën e 45+4’ me golin e Matheus Nunes.

Ashtu si pjesa e parë edhe fraksioni i dytë rezultoi shumë i luftuar, megjithatë ky 45-minutësh nuk solli të tjerë gola.

Në fund 2-1 dhe Tottenham kalon në çerekfinale, teksa Manchester City eliminohet nga Kupa e Ligës.

Ndërkohë, Liverpool fitoi me rezultatin 2-3 në transfertën e Brighton-it dhe kaloi në raundin tjetër.

Golat për “The Reds’ në këtë fitore i realizuan Gakpo në minutat 46’ dhe 63’ dhe Luis Diaz në minutën e 85’.

Manchester United po ashtu do të jetë në çerekfinalet e Kupës së Ligës pas fitores 5-2 ndaj Leicester-it në raundin e 1/8-ave, me trajnerin e përkohshëm Ruud van Nistelrooy që debutoi me fitore në krye të “Djajve të Kuq”.

Çerekfinalistë të tjerë do të jenë Arsenal-i që mundi ekipin e Preston me rezultatin 0-3 në transfertë.

Newcastle që eliminoi Chelsea-n pas fitores 2-0, Crystal Palace që fitoi me rezultatin 1-2 në transfertën e Aston Villa-s, Brentford që fitoi 2-1 ndaj Sheffield Wednesday dhe Southampton që mposhti me rezultatin 3-2 Stoke City-n.

Sa u përket dysheve të çerekfinaleve, skuadrat që do vihen përballë njëra-tjetrës në këtë raund janë, Tottenham-Manchester United, Arsenal-Crystal Palace, Newcastle-Brentford dhe Southampton-Liverpool./CNA

 

 

 

 





Lajmet e fundit nga