web counter
LEXO PA REKLAMA!

SHKARKO APP

App Store
Google Play

Humbi prindërit në aksident, mesazhi i ndjerë i Alban Bushit: Kjo është ulëritëse

31 Tetor 2024, 15:52, Sport CNA

Humbi prindërit në aksident, mesazhi i ndjerë i Alban Bushit: Kjo

Trajneri i Shqipërisë U-21, Alban Bushi, ka publikuar një mesazh të ndjerë në profilin e tij, pasi humbi dy prindërit, në një aksident të rëndë në Greqi.

Në postimin e tij, Bushi shkruan se vdekja në shkaqe natyrale është e dhimbshme, por kur vjen për shkak të një aksidenti, është ulëritëse.

Mesazhi i Alban Bushit:

“Mënyra për ta pranuar një humbje është e lidhur me mënyrën se si ka ardhur. Një vdekje e ardhur nga shkaqe natyrale është e dhimbshme, por është ulëritëse kur vjen për shkak të një aksidenti.

Nuk di sa forcë duhet për të përballuar veten që rri para jush, si dëshmitar i pafuqisë ekstreme për të ndryshuar atë ç’ ka ndodhur. Madje dhe kur fatmirësisht vjen një kujtim i mirë, s’ke fuqi as për britmë lumturie, por zëvendëson një palë lot me të tjerë.

Sot dhimbshëm mora orat që kane punuar në pulsat e zemrave tuaja, aq me formë dhe vlerë në orë të pafundme pa formë që kur ai aksident, me një përplasje ju hoqi fillin e jetës.

Deri në përqafimet tona të ardhshme, ju dua pafundësisht, përjetësisht dhe përtej.

Të dashur miq dhe të afërt, në emër të familjes sonë lejomëni t’ju falënderoj përulësisht, për praninë tuaj përmes mesazheve të panumërta.

Duke ju kërkuar një ndjesë të thellë, në pamundësi t’ju përgjigjem, ju njoftoj me dhimbje të pamasë se:

Homazhet për shumë të dashurit prindërit tanë do të mbahen të premten , më 1 nëntor 2024 nga ora 9:00 – 15:00, në “Funeral Home Alba 2000” e vendosur te ish Ambasada Jugosllave, rruga e Durrësit.

Më pas, kortezhi mortor do të drejtohet për në vendin e fundit të pushimit në Varrezat e Sharrës.

Dreka përkujtimore do të shërbehet në orën 17:00 në Sheraton.

Vizitat do të priten ditën e shtunë dhe të diel ora 10.00-13.00 dhe 17.00- 20.00 po në ambientet e “Funeral Home Alba 2000”.

Humbi prindërit në aksident, mesazhi i ndjerë i Alban Bushit: Kjo





Lajmet e fundit nga