web counter
LEXO PA REKLAMA!

SHKARKO APP

App Store
Google Play

Guardiola “nuk e pranon” humbjen: Bournemouth kishte shumë kohë për t’u përgatitur

3 Nëntor 2024, 13:30, Sport CNA
Guardiola “nuk e pranon” humbjen: Bournemouth kishte shumë
Pep Guardiola

Trajneri i Manchester City-t, Pep Guardiola, nuk e ka pritur aspak mirë humbjen 2-1 në transfertën e Bournemouth, takim që u luajt të shtunën, për llogari të javës së 10-të të Premier League.

Duke folur për mediet pas kësaj ndeshjeje, Guardiola tha fillimisht se kundërshtarët ishin goxha në formë.

“Ata kishin raste. Ederson bëri një pritje të mirë. Ne patëm momente vërtet të mira në fillimin e pjesës së dytë, por pasi ata shënuan golin e dytë, situata për ne u vështirësia”, -tha ai.

Më tej, tekniku i “citizens” shtoi se ai ka në dispozicion lojtarë që kanë luajtur shumë, si dhe anën e kundërt, teksa nuk la pa përmendur faktin që Bournemouth kishte më shumë kohë në dispozicion për t’u përgatitur.

“Është kështu. Kemi disa lojtarë me shumë minuta dhe shumë lojtarë pa minuta, kështu që bilanci është paksa i pakëndshëm. Ne luajtëm mirë kundër Spurs, por në takimin e fundit nuk mundëm të menaxhonim intensitetin e tyre dhe kjo është arsyeja pse ne e humbëm ndeshjen. Duhet theksuar se te Bournemouth ishin më të çlodhur dhe kishin gjashtë ditë për t’u përgatitur”,-tha ndër të tjera Pep Guardiola.

Pas javës së 10-të të Premier League, Manchester City renditet në vend të dytë me 23 pikë, dy pikë më pas se Liverpool-i kryesues./CNA





Lajmet e fundit nga