web counter
LEXO PA REKLAMA!

SHKARKO APP

App Store
Google Play

E fundit!

x

Të gjithë të papërgatitur, shtyhet për nesër vendimi për pikët e hequra të Juventusit

19 Prill 2023, 20:14, Sport CNA

Këshilli i Garancisë i Komiteti Olimpik Italian do të japë nesër vendimin rreth çështjes së pikëve që iu hoqën Juventusit nga Federata Italiane për shkak të parregullsive me plusvalencat. Ajo që ka ndodhur sot, i ka gjetur të gjithë thuajse të papërgatitur, pasi askush nuk priste që në fakt pala e Federatës Italiane, të tregonte se procesi mbi të cilin ishte dënuar Juventusi, kishte mangësi ligjore.

Në vend që të kërkonte mbajtjen në fuqi të vendimit të dhënë në Gjykatën e Apelit të FIGC dhe refuzimin e apelimit të Juventusit, prokurori Ugo Taucer ka bërë të qartë se kërkonte kthimin në shkallën e mëparshme për rigjykim.

Deklarata e tij që shtangu të gjithë, tregoi se “ekzistonte mungesa e motivimit sa i përket penalizimit me pikë, që duhet vlerësuar në një proces të ri”. Me pak fjalë, ai theksoi se dënimi me heqjen e 15 pikëve nga Apeli, kishte qenë i pamotivuar dhe se duhej kthyer në këtë shkallë për të filluar gjithçka nga e para. Kjo do të thotë se teorikisht, ai kërkoi anulimin e heqjes së pikëve të Juventusit dhe rigjykim nga e para.

Një situatë që pas më shumë se katër orësh e gjysmë mes deklaratave të palëve dhe mbledhjes së Këshillit të Garancisë, ka çuar në shtyrjen e vendimit për ditën e nesërme, pasi palët të konsultohen edhe një herë. Kjo, pasi është një rast shumë i veçantë dhe specifik. Këshilli i Garancisë vendos mbi ligjshmërinë apo jo të procesit, ndaj çdo hap që do të ndërmarrë duhet studiuar me kujdes pasi do të jetë pasoja ligjore edhe për çështje të tjera në të ardhmen.





Lajmet e fundit nga