web counter
LEXO PA REKLAMA!

SHKARKO APP

App Store
Google Play

Cassano kritikon paraqitjen e Rrahmanit: Ishte ndër më të dobëtit ndaj Milanit

19 Prill 2023, 13:56, Sport CNA

Milani u kualifikua në gjysmëfinale të Ligës së Kampionëve pas 16 vjetësh. “Rossonerët” barazuan 1-1 mbrëmë në ndeshjen e dytë ndaj Napolit në stadiumin “Diego Armando Maradona”, por triumfuan 1-2 me rezultat të përgjithshëm.

Ish-futbollisti i kombëtares së Italisë, Antonio Cassano, ka kritikuar, ndër të tjera, edhe mbrojtësin e kombëtares së Kosovës, Amir Rrahmanin, për paraqitjen e tij 90-minutëshe. Cassano tha se Rrahmani ishte ndër më të dobëtit në fushë për Napolin.

“Leao bëri paraqitje fantastike dhe bëri 5-6 depërtime në ndeshjen e kthimit. Ai bëri gjithçka. Kemi respekt të madh për Di Lorenzon dhe Rrahmanin, por duhet të vlerësojmë se si shkuan gjërat. Nuk dua të jem i padrejtë, por mbrëmë ata ishin më të dobëtit në fushë”, tha Cassano për "BoboTV".

Amir Rrahmani këtë edicion ka qenë titullar thuajse në të gjitha përballjet e Napolit në të gjitha garat. Ai ka shënuar disa gola duke e ndihmuar skuadrën drejt titullit në Serinë A. Milani në gjysmëfinale do të përballet me fituesin e takimit Inter – Benfica (2-0)





Lajmet e fundit nga