web counter
LEXO PA REKLAMA!

SHKARKO APP

App Store
Google Play

E fundit!

x

Tare “bën paqe” me trajnerin: Po, merkaton e kam konsultuar me Sarrin

15 Gusht 2022, 12:06, Sport CNA
Tare “bën paqe” me trajnerin: Po, merkaton e kam konsultuar me
Tare dhe Sarri - foto ilustruese

“Luis Alberto, larg Lacios? Jo, është kapitulli i mbyllur”. Igli Tare foli për “Sky Sport” pas ndeshjes kundër Bolonjës, që hapi kampionatin për bardhekaltrit.

Drejtori sportiv nuk ka dyshime për të ardhmen e “magjistarit” spanjoll: “Ai nuk do të lëvizë më nga këtu, as në fund të merkatos. Luis do të luajë me Lacion këtë sezon.

Filozofia e merkatos? Ne kemi ndarë gjithçka që kemi bërë këtë sezon me trajnerin Sarri. Në këtë moment trajneri ka disa zgjedhje dhe jemi të kënaqur. Edhe vetë Sarri është i kënaqur me tregun e transferimeve.

Jemi konkurrues dhe e kemi ulur moshën mesatare të skuadrës me tri vite. Kemi një audiencë të madhe, nuk mund të kishim nisur më mirë se kaq. Kjo Lacio ka lindur vitin e kaluar, kur filluam një projekt të ri.

Këtë vit e përfunduam dhe shkuam më tej, sepse kanë ardhur tetë përforcime të reja. Në fakt priteshin gjashtë. Në një vit kemi ndryshuar 14 lojtarë, që do ta ndihmojnë Sarrin. Vendi i katërt, si objektiv? Shoh një ekip të uritur dhe me shumë entuziazëm.

Kur pata këto ndjesi, lindën sezone të rëndësishme. Nuk duhet të shikojmë të tjerët, por vetëm veten dhe qëllimet tona. Kam besim se do të jetë një sezon i madh, me Lacion si protagoniste”.





Lajmet e fundit nga