web counter
LEXO PA REKLAMA!

SHKARKO APP

App Store
Google Play

E fundit!

x

E bujshme/ "Demat" e Partizanit, në negociata me… Rashicën

15 Gusht 2022, 11:14, Sport CNA

Përveç dëshirës për të bërë një skuadër sa më të fortë dhe për të sulmuar titullin kampion, Partizani është mjaft i përqendruar edhe në marrjen e sa më shumë talenteve të spikatur, që mund të shërbejnë për të tashmen dhe veçanërisht për të ardhmen e ekipit.

Së fundmi, të kuqtë kanë shënjestruar një nga anësorët më të mirë të sulmit në Superligën e Kosovës.

Sipas "Panorama Sport", "demat” janë në negociata me Trepçën '89 për Ermir Rashicën. 18-vjeçari shihet si një nga talentet me më të ardhme në Kosovë dhe Partizani po bën maksimumin për të siguruar shërbimet e tij.

Rashica është produkt “ekskluziv” i Trepçës, ku luan prej tri sezonesh. Klubi nga Mitrovica gëzon edhe kartonin e lojtarit dhe po tenton ta shesë, me ofertat, që nuk mungojnë.

Partizani është një prej mundësive për lojtarin, që do të kishte shansin të luante edhe në ekipin e parë dhe do të fitonte mjaft eksperiencë.

Marrëveshja mes klubeve mund të arrihet në këmbim të një shifre parash, plus një përqindje kartoni të konsiderueshme për Trepçën në rast të rishitjes. Vetë i riu është i hapur për një transferim të mundshëm te Partizani.

Gjithsesi, oferta nga Rapidi i Vjenës dhe një klub i Serisë B nuk mund të mos e tundojnë. Sulmuesi është pjesë e përfaqësueses U-19 të Kosovës.

 





Lajmet e fundit nga