web counter
LEXO PA REKLAMA!

SHKARKO APP

App Store
Google Play

E fundit!

x

Sylvinho paralajmëron Gjeorgjinë: Na duhet vetëm fitorja, disa lojtarë të formacionit nuk ndryshojnë

13 Tetor 2024, 15:59, Sport CNA

Sylvinho paralajmëron Gjeorgjinë: Na duhet vetëm fitorja, disa

Trajneri i kombëtares shqiptare të futbollit, Sylvinho ka dalë në konferencë për mediet para ndeshjes ndaj Gjeorgjisë, në Ligën e Kombeve.

Për Sylvinho-n ky takim do të jetë shumë i vështirë dhe i balancuar, teksa theksoi se rezultati do të vendoset nga detajet e vogla.

Mungesa e Kochorashvili-t a do e bëjë ndeshjen më të lehtë për Shqipërinë?

Ai është një lojtar i mirë dhe i madh, por Gjeorgjia ka një ekip të fortë dhe një ekip me shumë cilësi. Secili nga lojtarët ka cilësi dhe duhet të kujdesemi. Ata janë të mirë në kundërsulme dhe duhet të tregojmë kujdes, por duhet treguar kujdes ndaj çdo lojtari të Gjeorgjisë.

A të bindi ekipi që luajti ndaj Çekisë, i njëjti formacion apo do e ndryshosh?

Shpenzuam shumë energji në ndeshjen e kaluar, Çekia është shumë e mirë fizikisht dhe patëm një ndeshje shumë të vështirë edhe kjo ndaj Gjeorgjisë do të jetë shumë e vështirë. Kemi pasur një udhëtim të vështirë deri këtu, më pas do të kemi stërvitje pas konferencës, e pastaj do të vendosim, por kemi lojtarë që kanë besimin tonë 100%.

Objektivi? Nesër është një ndeshje shumë e rëndësishme për ne, do të jetë e vështirë, por ne na duhet vetëm fitorja. Duhet të marrim pikë, pasi bëhet e vështirë që të arrijmë objektivin dhe duhet të jetojmë me këtë realitet. Kemi një avantazh të vogël pasi në nëtor kemi ndeshje në shtëpi, por është shumë e rëndësishme që të japim 100% nesër dhe të marrim një rezultat pozitiv. Ata janë shumë të fortë, por edhe ne jemi të fortë.

Ky gabuat në ndeshjen e parë me Gjeorgjinë dhe si mund të përmirësohen ato nga Shqipëria? Po fitoren e Ukrainës a e prisnit?

Humbja ndaj Gjeorgjisë për mua ishte pasi ishte një ndeshje shumë e fortë, 50-50, ishte një ndeshje teknike dhe fizike, u vendos nga detajet e vogla. Nesër do të jetë e vështirë, siç e thash më parë, por do provojmë të bëjmë më të mirën, pasi na intereson fitorja. Kemi respekt për Gjeorgjinë, por nesër do të jetë një ndeshje vërtetë e fortë. Duhet te evitojmë gabimet, por do të jetë e vështirë për të gjithë. Grupi është shumë i ekuilibruar dhe si pasojë çdo ndeshje do të jetë e vështirë dhe mund të ndodhë çdo gjë. Ukraina ka ekip të mirë, por Gjeorgjia luajti fortë dhe siç thash grupi është shumë i balancuar, kur bën një gabim e ke mbyllur ndeshje dhe kjo ndodhi dhe në këtë ndeshje.”

Shqipëria do të përballet këtë të hënë, duke nisur nga ora 18:00 me Gjeorgjinë në Tbilisi, takimi i raundit të katërt të Ligës së Kombeve./CNA

 





Lajmet e fundit nga