web counter
LEXO PA REKLAMA!

SHKARKO APP

App Store
Google Play

E fundit!

x

Një trajner gjerman në stolin e Anglisë, palët në bisedime të avancuara

12 Tetor 2024, 17:16, Sport CNA

Një trajner gjerman në stolin e Anglisë, palët në

Thomas Tuchel mund të marrë drejtimin e kombëtares së Anglisë. Trajneri gjerman, është në bisedime të avancuara me drejtuesit e federatës angleze dhe nuk përjashtohet mundësia e një marrëveshje në ditët e ardhshme. Kjo bëhet e ditur nga mediat gjermane, që raportojnë se akordi duket afër.

Nëse kjo do të realizohej, Tuchel do të bëhej trajneri i tretë i huaj që merr drejtimin e Anglisë në histori. Më herët kombëtarja e “3 luanëve” është drejtuar nga suedezi Eriksson dhe italiani Fabio Capello.

Gareth Southgate u largua nga drejtimi i Anglisë pas Europianit në verë dhe nga ajo kohë, kombëtarja është drejtuar nga trajneri i U-21, Le Carsley. Ky i fundit do të drejtojë Anglinë në Ligën e Kombeve dhe më pas shpreson të rikthehet sërish në drejtimin e U-21.

Le Carsley ka drejtuar deri tani anglezët në tre ndeshje, ku ka marrë dy fitore, ndaj Irlandës e Finlandës dhe një humbje ndaj Greqisë.

Tuchel shihet gjithnjë e më pranë stolit të Anglisë, ndërsa është i papunë nga fundi i sezonit të kaluar, kur u largua nga drejtimi i Bayern Munich.

Kjo do të ishte hera e parë për gjermanin që drejton një kombëtare, pasi në të kaluarën ka qenë në stolin e disa klubeve, si Borusia Dortmund, PSG dhe Chelsea.

Në verë u përfol se Tuchel mund të merrte drejtimin e Manchester United, për të zëvendësuar Erik Ten Hag, por drejtuesit e klubit vendosën që të mbajnë holandezin në stol.





Lajmet e fundit nga