E fundit!

13:46 Denoncim

Sokol Sadushi, si agjenci imobiliare

Sokol Sadushi, kryetari i Gjykatës së Lartë, është njeriu ...

Koret raciste dhe gjestet e turpshme nga tifozeria çeke, reagon ashpër Federata Shqiptare e Futbollit

12 Tetor 2024, 10:20, Sport CNA

Koret raciste dhe gjestet e turpshme nga tifozeria çeke, reagon

FSHF

Federata Shqiptare e Futbollit reagoi në mënyrë të menjëhershme pas ndeshjes Çeki-Shqipëri në Ligën e Kombeve, sfidë që u shoqërua me kore raciste dhe veprime të turpshme të tifozerisë vendase ndaj shqiptarëve.

Përmes një reagimi në faqen zyrtare, FSHF-ja dënoi ashpër këto veprime të çekëve.

FSHF e konsideron të patolerueshme përdhosjen e flamurit shqiptar si dhe njofton se për këtë ngjarje do të kërkojë nga UEFA që të marrë masa të menjëhershme disiplinore.

“Federata Shqiptare e Futbollit dënon me forcë aktet e turpshme që ndodhën gjatë ndeshjes së sotme kundër Çekisë. Koret raciste dhe përdhosja e flamurit shqiptar janë të patolerueshme dhe nuk i takojnë fushës së futbollit. Ky akt i rëndë përbën një sulm të hapur ndaj vlerave të futbollit dhe respektit midis kombeve.

Federata Shqiptare e Futbollit dënon fuqimisht çdo formë të racizmit dhe fyerjes ndaj simboleve kombëtare dhe do të dërgojë një notë proteste në UEFA, duke kërkuar masa të menjëhershme disiplinore. FSHF reagoi menjëherë që në pushimin e pjesës së parë duke u kërkuar organizatorëve marrjen e masave të menjëhershme ndaj këtyre akteve për të mos radikalizuar veprimet me ndërprerjen e lojës”-thuhet në reagimin e federatës shqiptare./CNA

Reagimi i Federatës Shqiptare të Futbollit:

Federata Shqiptare e Futbollit dënon me forcë aktet e turpshme që ndodhën gjatë ndeshjes së sotme kundër Çekisë. Koret raciste dhe përdhosja e flamurit shqiptar janë të patolerueshme dhe nuk i takojnë fushës së futbollit. Ky akt i rëndë përbën një sulm të hapur ndaj vlerave të futbollit dhe respektit midis kombeve.

Federata Shqiptare e Futbollit dënon fuqimisht çdo formë të racizmit dhe fyerjes ndaj simboleve kombëtare dhe do të dërgojë një notë proteste në UEFA, duke kërkuar masa të menjëhershme disiplinore. FSHF reagoi menjëherë që në pushimin e pjesës së parë duke u kërkuar organizatorëve marrjen e masave të menjëhershme ndaj këtyre akteve për të mos radikalizuar veprimet me ndërprerjen e lojës.

Futbolli është një lojë që bashkon dhe unifikon gjithë popujt duke promovuar barazinë dhe respektin për të gjithë, pavarësisht kombësisë apo përkatësisë etnike. Shqiptarët, si pjesë e familjes së madhe futbollistike, do të qëndrojnë gjithmonë në mbrojtje të këtyre vlerave dhe nuk do të tolerojnë asnjë formë racizmi apo urrejtjeje duke dënuar me forcë çdokënd që tenton të përdhosë bukurinë e këtij sporti.

Pavarësisht ndeshjes së sotme, Kombëtarja jonë ka treguar gjithmonë forcë dhe guxim për të përballuar çdo vështirësi duke u ngritur pikërisht atëherë kur lind nevoja. Bashkë me tifozët do të lëmë pas këtë ndeshje dhe bëhemi gati për të shkuar në Gjeorgji për një rezultat pozitiv.