web counter
LEXO PA REKLAMA!

SHKARKO APP

App Store
Google Play

Kualifikueset e Botërorit/ Brazili rikthehet te fitorja, Kolumbia "thyhet" në Bolivi. Ndalet Argjentina

11 Tetor 2024, 17:32, Sport CNA

Kualifikueset e Botërorit/ Brazili rikthehet te fitorja, Kolumbia

Kualifikueset e Botërorit në Amerikën e Jugut, prodhuan surpriza sa i përket rezultateve. Brazili u rikthyer te triumfi, pasi mposhti Kilin më rezultatin 2 me 1. “Seleçaos” e nisën malore, duke pësuar gol që në minutën e 2-të, pasi Vargas shënoi me kokë.  

Avantazhi i vendasve zgjati deri në minutën e 46-të, kur Igor Hezus, barazoi shifrat në 1 me 1, rezultat me të cilin e mbyll pjesa e parë.

Luiz Henrike, i ardhur nga stoli, bëri që të shpërthejë festa te brazilianët, duke shënuar golin e përmbysjes dhe të fitores në minutën e 89-të.

Tre pikë të arta për Brazilin, që ngjitet në vendin e katërt me 13 pikë. Situatë e vështirë për Kilin, që mbetet parafundit me pesë pikë dhe rrezikon seriozisht pjesëmarrjen në Botëror.

Në takimin tjetër, Argjentina nuk shkoi më shumë se barazimi 1-1 në transfertë ndaj Venezuelës.

Kampionëve të Botës iu deshën vetëm 13 minuta për të shënuar. Otamendi zhbllokoi takimin, duke kaluar miqtë në avantazh dhe rezultati nuk ndryshoi deri në minutën e 65-të.

Rondon nuk fali pas një asisti të marrë nga Soteldo dhe vendosi baraspeshën. Dy ekipet kishin raste të tjera për shënim, por nuk ia dolën ta dërgojnë topin në rrjetë dhe sfida u mbyll në barazim 1-1.

Argjentina rikthehet te pikët pas humbjes me Kolumbinë dhe mbetet në krye me 19 pikë.

Surprizë në Bolivi, aty ku Kolumbia pësoi humbjen e parë. Vendasit triumfuan minimalisht, falë një goli të Migelito në minutën e 58-të. Sukses i rëndësishëm për bolivianët, që nga minuta e 20-të luajtën me 10 lojtarë, pasi Kejar u ndëshkua me të kuq.

Bolivia ngjitet në vendin e 12-të dhe shpreson të kualifikimi historik në Botëror, që do të ishte për herë të parë. Në ndeshjen tjetër, Ekuadori dhe Paraguaji barazuan pa gola.





Lajmet e fundit nga