web counter
LEXO PA REKLAMA!

SHKARKO APP

App Store
Google Play

Silvinjo: Çekia festoi fitoren me Shqipërinë sikur mposhti Brazilin

11 Tetor 2024, 23:44, Sport CNA

Silvinjo: Çekia festoi fitoren me Shqipërinë sikur mposhti

Trajneri i Shqipërisë, Silvinjo, foli pas ndeshjes, ku kuqezinjtë u mposhtën 2-0 nga Çekia, në sfidën e vlefshme për Ligën e Kombeve.

Tekniku brazilian, deklaroi se çekët ishin më të motivuar nga fillimi, ndërsa theksoi se vendasit festuan fitoren ndaj Shqipërisë, sikur të kishin mposhtur Brazilin.

“Mendoj se Çekia ka luajtur mirë, është ekip i fortë. Sulmi i tyre ka bërë ndeshje të mirë, ka luajtur në ajër si ekip, ishin të motivuar për ta fituar këtë ndeshje. Ishin shumë më të motivuar për të fituar.

Është pikë refleksioni dhe krenarie sepse na shikojnë si ekip i fortë. Po festonin sikur kishin mundur Brazilin, nuk na shikojnë si ekip thjesht për t’u ndeshur por na shikojnë si ekip që mund t’i mundi. Puna nuk është e lehtë në kombëtare, na mungojnë disa lojtarë po stafi ka punuar për të bërë zëvendësime e duhura dhe për mundësi te lojtarët e rinj, po është mundësi për t’u përmirësuar në çdo ndeshje.

Sigurisht të çmend pësimi i një goli. Në pushim i thashë lojtarëve që ato janë të shpejtë, mund të pësojmë gola të tjerë. Por që duhet të përmirësohemi dhe të shohim para për ndeshjen tjetër.

Çdo gjë është e hapur, nuk ka diferencë të madhe pikësh. Duhet të përmirësohemi që në kualifikueset e Botërorit të jemi gati. Nuk më pëlqen ky elementi që ne kemi fituar ndaj Ukrainës dhe ishim mirë, më pas keq dhe tani sulmi nuk funksionon. Ne kemi lojtarë të shpejtë, çdo gjë është me plan për të ardhmen, sigurisht kemi bërë ndeshje të mira po kjo është e kaluar”, u shpreh Silvinjo për Klan TV.





Lajmet e fundit nga