web counter
LEXO PA REKLAMA!

SHKARKO APP

App Store
Google Play

E fundit!

x

Shqipëria harron humbjen me Çekinë, gati për "hakmarrje" ndaj Gjeorgjisë

12 Tetor 2024, 16:32, Sport CNA

Shqipëria harron humbjen me Çekinë, gati për

Kombëtarja shqiptare ka hedhur pas krahëve humbjen ndaj Çekisë dhe tani e gjithë vëmendja është te ndeshja ndaj Gjeorgjisë, që do të luhet të hënën.

Kuqezinjtë nuk kanë humbur kohë dhe mëngjesin e kësaj të shtune u nis drejt Tbilisit, për tu akomoduar aty dy ditë para sfidës.

Skuadra zhvilloi vetëm një stërvitje pasdite. Ngarkesa ishte e lehtë për futbollistët që luajtën ndaj Çekisë, ndërsa për ata që ishin në stol, punuan me intensitet të lartë.

Gjendja e lojtarëve është e mirë dhe asnjë prej tyre nuk ka shqetësime fizike. Silvinjo dhe stafi teknik tani do të punojë me strategjinë e re për sfidën e vështirë ndaj ekipit të Villy Sagnol. Objektivi është fitorja për të harruar rezultatin negativ.

Shqipëria kërkon edhe një lloj hakmarrje ndaj gjeorgjianëve, pas humbjes minimale një muaj më parë në Tiranë. Situata në kampin kuqezi nuk është më e mira e mundshme, pasi numërojnë dy fitore radhazi.

Në tre ndeshjet e para të Ligës së Kombeve, kombëtarja shqiptare ka marrë vetëm një fitore, atë ndaj Ukrainës në takimin e parë.

Një tjetër hap fals do ta komplikojë situatën në Grupin B1 për ekipin e Silvinjos. Ndeshja mes Gjeorgjisë dhe Shqipërisë, është planifikuar të luhet ditën e hënë më 14 tetor në Tbilisi, duke nisur nga ora 18:00.





Lajmet e fundit nga