web counter
LEXO PA REKLAMA!

SHKARKO APP

App Store
Google Play

Superiorja e sezonit tjetër do jetë spektakël/ Tirana dhe Partizani "top", kthehen Dinamo e Skënderbeu

2 Qershor 2023, 22:10, Sport CNA

Nëse ky sezon i Superiores u quajt i çmendur, ai i viti të ardhshëm do të jetë edhe më tepër se kaq. Sipas të gjitha gjasave, Tirana dhe Partizani nuk do të qëndrojnë më kaq të qeta për ta diskutuar të vetme titullin kampion, me siguri që një prej tyre nuk do të jetë në këtë valle.

Egnatia është kthyer frikshëm me arritjen në Europë dhe fitoren e Kupës së Shqipërisë, presidenti i saj premton investime të mëdha për të synuar titullin në sezonin tjetër. Dinamo është kthyer në Superiore dhe do të marrë edhe njëherë tjetër më të mirët në qarkullim. Por në ndryshim nga historia e mëparshme kur kryeqytetasit zbritën nga kategoria, këtë herë kanë nxjerrë mësime. Gjithashtu për të mos nënvlerësuar është edhe Skënderbeu që po kërkon të rikthehet ashtu si edhe në kohët e arta.

Laçi dhe Teuta janë gjithmonë aty për vendin e Europës, ndërsa Vllaznia dhe Kukësi presin që të marrin një figurë të re, por me objektivin e qartë, për të qenë mes tre më të mirave dhe pse jo për të fituar titullin. Me këtë konkurrencë të madhe dhe pamje të mjegullt, e vetmja skuadër që duket se nuk do të ketë shumë për të bërë dhe për të kërkuar duket të jetë fituesja e takimit Erzenit-Korabi.





Lajmet e fundit nga