web counter
LEXO PA REKLAMA!

SHKARKO APP

App Store
Google Play

Strategjia për masivizimin e futbollit në shkolla, presidenti Duka: Jam i sigurt që do të funksionojë

22 Qershor 2023, 14:34, Sport CNA

Strategjia për masivizimin e futbollit në shkolla, presidenti Duka:

Ka nisur prej të mërkurës trajnimi i 116 mësuesve të edukimit fizik nga e gjithë Shqipëria. Në kuadër të programit “Futbolli në Shkolla”, një projekt bashkëpunimi mes FSHF-së dhe Ministrisë së Arsimit dhe Sportit. Projekt që mbështetet edhe nga FIFA.

Presidenti i Federatës Shqiptare të Futbollit, Armand Duka ka reaguar me anë të një postimi në rrjetet sociale. Aty ku thekson se ky program do të masivizojë akoma edhe më shumë lojën e bukur të futbollit në Shqipëri.

“Futbolli në Shkolla, pjesë e strategjisë tonë “Futbolli për Kombin 2025”, nisi ditën e djeshme në “Shtëpinë e Futbollit” me trajnimin e 116 mësuesve të shkollave 9 vjeçare në të gjithë vendin.

Federata Shqiptare e Futbollit aplikoj këtë projekt pilot në FIFA dhe morëm përgjigje pozitive për të qënë ndër federatat e para në zbatimin e tij.

Një falënderim shkon për Ministrinë e Arsimit dhe Sportit, ministren Evis Kushi që pranoi pa hezitim këtë program që do të ndihmojë në zhvillimin pozitiv të aftësive fizike. Dhe një jete më të shëndetshme të fëmijëve dhe nxënësve, duke i dhënë më shumë besim e ti rrisë me kulturën e punës në grup.

Jam besimplotë se ky program do të masivizojë akoma më shumë futbollin në vendin tonë dhe ftoj të gjithë klubet e akademitë që nga shtatori të hedhin sytë nga shkollat tona për të gjetur yjet e të ardhmes“, shkruan kreu i futbollit shqiptar.





Lajmet e fundit nga