web counter
LEXO PA REKLAMA!

SHKARKO APP

App Store
Google Play

E fundit!

x

Strakoshës i vjen shansi në derë, mund të luajë titullar në Premier League

30 Korrik 2023, 22:58, Sport CNA

Thomas Strakosha nuk kaloi një vit të parë në Premier Ligë siç e shpresonte ai. Dëmtimet dhe forma e mirë e David Raja, bënë që Strakosha të mos provonte Premier Ligën në sezonin e kaluar, por të luante vetëm dy ndeshje në kupa me fanellën e Brentford.

Por largimi thuajse i sigurt i Raja ka bërë që tashmë ai të ketë shanset e tij për të treguar vlerat. Sidomos pas golave të njëpasnjëshëm që po pëson portieri holandez Mark Fleken, i afruar së fundmi në radhët e skuadrës angleze për të zëvendësuar Raja.

Miqësoret e fundit me Fleken në portë kanë shkuar si mos më keq, pasi Brentford ka pësuar 3 gola nga Fullhem, 2 nga Brajton e sot përsëri 3 nga Aston Vila, Kështu, trajneri Tomas Frank, ka filluar të shohë përsëri nga Strakosha, duke e aktivizuar këtë të fundit nga 30 minuta në ndeshje.

Portieri i kombëtares shqiptare luajti 30 minuta ndaj Brajton e po 30 minuta edhe sot ndaj Aston Vilës. Dhe duhet theksuar se në këto minuta, ai nuk pësoi asnjë gol. Një sinjal i mirë për të në një moment kur klubi duket se kërkon siguri mes shtyllave dhe mund t’i japë shansin që të tregojë aftësitë e tij në Premier Ligë, e cila fillon pas pak ditësh.





Lajmet e fundit nga