web counter
LEXO PA REKLAMA!

SHKARKO APP

App Store
Google Play

E fundit!

x

Spektakël i garantuar/ Të gjithë me sytë nga derbi i Milanos, formacionet e mundshme të Milan-Inter

3 Shtator 2022, 09:57, Sport CNA

Merkatoja ka mbaruar, tani e gjithë vëmendja shkon te fusha e gjelbër. Njëzet skuadrat e Serisë A kanë ende pak orë për buxhetin e fundvitit, por nga nesër çdo mendim do të shkojë totalisht për luftën e tri pikëve dhe renditjen, e cila tashmë po përvijohet në pikat e saj kryesore të forta.

Vëmendja do të jetë e gjitha te superndeshja e kampionatit Italian, Milan-Inter. Derbi i Milanos do të luhet ditën e shtunë më 3 shtator, ora 18:00 në "San Siro". Gjyqtari kryesor do të jetë Daniele Chiffi.

Origi pritet të jetë në stol dhe i takon Zhirusë të startojë nga minuta e parë, ndërsa Mesias pritet të jetë favorit ndaj Salmakersit.

Pas rrotacioneve të aplikuara ndaj Sasuolos, formacioni titullar do të rikthehet padyshim në derbi. Maingnan në portë, kapiteni Kalabria në të djathë dhe Teo Hernandez në të majtë, Tomori dhe Kalulu në qendër. Mesfusha do të përbëhet me çiftin Tonali-Benaser. Krahët e sulmit nga Mesias dhe Leao, qendra e rolit të fantazistit nga De Ketelare dhe Zhiru në sulm.

Origi do të jetë në stol bashkë me nënshkrimet e reja, Rebiç nuk është i rikuperuar dhe Florenci, Kruniç, Ibrahimoviç, nuk janë të disponueshëm.

Në radhët e Interit, Xheko është favorit ndaj Korreas për t’u bashkuar me Lautaron në krye të sulmit.

Derbi dhe më pas ndeshja ndaj Bajernit në Champions, i kapur mes dy angazhimeve si ky, disa përllogaritje bëhen të pashmangshme edhe për Inzagin, i cili ka qenë gjithmonë kundër rrotacionit. Lukaku nuk është i gatshëm pasi është i dëmtuar, Mkhitarian është rikuperuar, por do ta nisë nga stoli.

Në sulm Xheko do të jetë me Lautaron, por gjithsesi Inzagi do ta mendojë mirë pasi Korrea ka bërë një start shumë të mirë të sezonit. Inzagi ka të gatshëm Bastonin, por nuk dihet nëse do ta aktivizojë që nga minuta e parë. Nëse jo, Dimarko është gati me Shkriniarin dhe De Vrajin në qendër të mbrojtjes përpara Handanoviçit. Dumfris në të djathtë dhe në të majtë pritet Darmian. Barela-Çalhanoglu-Brozoviç në qendër të mesfushës.





Lajmet e fundit nga