E fundit!

15:45 Aktualitet

46 ditë protestë/ Mbahet sot tubimi i radhës kundër qeverisë

Pasditen e sotme në Tiranë para Kryeministrisë mbahet prot...

Pjesa e parë/ Vllazni spektakolare, shkodranët në avantazhin e dy golave ndaj Tiranës (VIDEO)

2 Shtator 2022, 16:40, Sport CNA

Pjesa e parë/ Vllazni spektakolare, shkodranët në avantazhin e dy

Është mbyllur pjesa e parë, në sfidën mes Tiranës dhe Vllaznisë. Pas 45 minutave të para, shkodranët kryesojnë 0-2.

Sfida u zhbllokua në minutën e 22-të, kur Herald Marku shënoi nga penalltia, e cila u fitua nga Kaina.

Ky gol u dha zemër shkodranëve, që arritën të shënojnë sërish në minutën e 29-të, këtë herë me Kaina, që e ndali topin në rrjetë, pas një gjuajtje të bukur me kokë.

Tirana do të provojë të reagojë në pjesën e dytë, ku shpresojnë që nga kjo ndeshje të mos dalin pa pikë.

LIVE TIRANA-VLLAZNIA 0-2

Marku 21′, Kaina 29′

MINUTË PAS MINUTE

35’ Tirana mundohet të organizohet por tashmë Vllaznia është e pozicionuar duke luajtur me qetësi për të administruar avantazhin e dyfishtë dhe bardheblutë nuk kanë hapësira për të çarë drejt sulmit.

30′ Marku ndëshkohet me karton të verdhë.

29′ GOOOL VLLAZNIA! Pas një goditjeje këndi, Kaina me kokë i vetëm në zonë nuk e ka të vështirë të dërgojë topin në rrjetë me një gjuajtje me kokë.

27’ Tirana niset në sulm dhe kërkon karton të kuq për Bulatoviç pasi ky i fundit duke u rrëzuar ndal topin me dorë, teksa Xhixha ishte nisur drejt portës. Jorgji jep të verdhë mes protestave bardheblu.

22’ GOOOL VLLAZNIA! Zhivanaj mban me duar në zonë Kainën, që del i vetëm me portierin dhe rrëzohet. Arbitri Jorgji jep penallti për Vllazninë dhe karton të kuq për mbrojtësin e Tiranës. Nga pika e bardhë godet saktë me të majtën Herald Marku dhe 0-1.

16′ Tirana vazhdon ofensivën në kërkim të golit.

14′ Xhixha provon për Tiranën me një depërtim të bukur në zonë, goditja e tij ndalet nga Zogoviç.

10′ Përgjoni ndëshkohet me kartonin e parë të verdhë të sfidës pas një ndërhyrje të gabuar.

6’ Dy skuadrat kontrollojnë njëra-tjetrën në këto minuta teksa nuk lejojnë hapësira para zonave të tyre.

2’ Xhixha sheh hapësirë para dhe shpërthen në krahun e majtë, topi shkon te Kallaku e pastaj te Aleksi, por gjuajtja e këtij të fundit në hyrje të zonës është e gabuar.

1’ Nis dueli në “Selman Stërmasi” me shkelmimin nga qendra të shkodraneve.