web counter
LEXO PA REKLAMA!

SHKARKO APP

App Store
Google Play

Son ‘qan’ largimin e Kontes, sulmuesi fajëson veten: Duhet të kisha luajtur më mirë

30 Mars 2023, 16:01, Sport CNA

Kur kanë mbetur edhe 10 ndeshje deri në fundin e Premier Ligës angleze, Tottenham do të drejtohet nga dyshja Stellini-Mason. Drejtuesit e klubit londinez vendosën të largojnë trajnerin Antonio Konte vetëm pak ditë më parë, me italianin i cili ishte shumë larg objektivave të vendosur.

Shkarkimi i 53-vjeçarit duke se solli një lehtësim në skuadër, por kishte dhe nga ata lojtarë të cilët shprehën keqardhje. Njëri prej tyre është sulmuesi koreanojugor Heung Min Son, i cili pohoi se ndihet fajtor për largimin e italianit. Sipas 30-vjeçarit është një keqardhje që nuk do të punojë më me një trajner të klasit botëror.

“Duhet të kisha luajtur më mirë, ndihem fajtor për largimin e tij, sepse nuk e ndihmova shumë klubin. Jam mirënjohës për atë që bëri me ne, ai është një trajner i madh me shumë përvojë dhe gjithmonë do ta mbështes në jetën time. Më vjen keq si lojtar që nuk do të punoj më me të. Ai është një trajner i klasit botëror”.

Son është i vetmi lojtar aktualisht që ka marrë përsipër fajin e shkarkimit të strategut të njohur Italian. Konte u vendos në krye të skuadrës britanike në vitin 2021, e ashtu si paraardhësit e tij nuk fitoi asnjë trofe.





Lajmet e fundit nga