web counter
LEXO PA REKLAMA!

SHKARKO APP

App Store
Google Play

E fundit!

x

Skënderbeu sfidon Tiranën, Gvozdenoviç: Duhet të reagojmë, mund të ndryshojmë skemën

7 Prill 2024, 12:14, Sport CNA

Skënderbeu sfidon Tiranën, Gvozdenoviç: Duhet të

Pas humbjes me Dinamon, Skënderbeu do të kërkojë të rikthehet të fitorja në kampionat dhe përballë është një tjetër skuadër nga kryeqyteti, Tirana.

Për këtë ndeshje, korçarët vijnë pa sulmuesin kryesor të këtij sezoni, Franklin Ahanonu, që u transferua tek Astana në Kazakistan.

Në prag të kësaj përballje, në konferencë për shtyp, foli trajneri i Skënderbeut, Ivan Gvozdenoviç, i cili tha se ekipi i tij ka nevojë për pikët.

“Shitja e Franklin, ishte një lëvizje shumë e mirë nga klubi sepse ishte një ofertë shumë e mirë. Franklin firmosi me Astana në Kazakistan. Patjetër do na mungojë sepse ishte një golashënues shumë i mirë në ekipin e Skënderbeut por nuk dua të flasim shumë për Franklin sepse neser e kemi me shumë rendësi me Tiranën dhe kemi nevojë për pikët. Mendojmë vetëm për Tiranën dhe do flasim vetëm për Tiranën. Dua ti uroj Franklin shumë sukses, sepse i meriton të gjitha. Pas një humbje kundër Dinamos do shohim si do rregullohemi kundër Tiranës. Është një ndeshje e fortë derbi dhe jemi të përqëndruar atje.

Kundër Dinamos nuk ishim mirë, pjesa e parë ishte pak më pozitive ndërsa të dytën nuk ishim mirë. Tani është koha për të reaguar . Sitauata është me Franklin jashtë për shkak të transferimit , Kosta ka katër kartona. Sot kemi stërvitjen e fundit dhe me stafin do të shohim formacionin.”, tha tekniku i koçarëve.

Gvozdenoviç, paralajmëroi se do të ketë ndryshime sa i përket formacionit, aty ku alternativat nuk mungojnë.

“Mund të ndrrojmë skemën ose të bëjmë ndërrime kokë për kokë. Do vendosim bashkë me stafin. Kemi Ivanin si sulmus, kemi edhe opsionin me Likën ose Muharem, Lika djathtas ose majtas ndërsa Muharemi sulmues qëndër. Kemi opsione por do gjejmë opsionin më të mirë bashkë me stafin.

Falenderoj fizioterapistët, Klejdi, Dionis dhe Jorgo Pantazi sepse Dean Liço ishte 3 ditë jashtë , ishte një goditje e fortë , kishim problem edhe me Janaqin dhe Jurin por të gjithë janë gati për nesër. Ne do luftojmë në fushë për të fituar, për të mbajtur vendin e katërt se si do shkojë do ta shohim nesër.", deklaroi Gvozdenoviç.

Ndeshja mes Skënderbeut dhe Tiranës, do të luhet këtë të hënë në Korçë, në orën 18:00.





Lajmet e fundit nga