E fundit!

15:38 Aktualitet

Goditi protestuesin në Zvërnec/ Ndryshon masa e sigurisë për një nga punonjësit e sigurisë së kantierit

Gjykata e Apelit ka ndryshuar masën e sigurisë për një ng...

Skënder Gega: Jam i emocionuar, Partizani është identiteti im si sportist

29 Mars 2025, 20:08, Sport CNA

Skënder Gega: Jam i emocionuar, Partizani është identiteti im si

Trajneri Skënder Gega është gati për debutimin e tij në stolin e Partizanit. I emëruar vetëm dy ditë më parë, tekniku i të kuqve do të zhvillojë sfidën e parë në stol ndaj Laçit, në takimin e vlefshëm për javën e 32-të në Superiore.

Në konferencën e parë për shtyp pas rikthimit, trajneri Gega u shfaq i emocionuar, duke thënë se drejtimi i “demave” e shton përgjegjësinë për të.

Ai ndër të tjera, falënderoi edhe presidentin Gazment Demi, që i dha mundësinë të rikthehet te Partizani.

"Jam i emocionuar. Vetë lidhja ime me historinë apo edhe identiteti im si sportist është Partizani. Gjërat kanë ndryshuar për mirë në fakt nga koha që unë kam qenë. Ka qenë një klub elitar, ndërsa sot është bërë një ndërmarrje elitare, kjo shton edhe përgjejgjësinë më të madhe sepse investimi që është bërë është një lehtësi e madhe për çdo pjestar të këtij klubi të punoj. Në këtë aspekt jam shumë i lumtur, i emocionuar që jam rikthyer dhe përfitoj të falënderoj çdo njeri që ka patur besim tek unë duke nisur nga presidenti Gaz Demi e deri tek tifozi më i thjeshtë. Eshtë një sfidë e vështirë por në fund të fundit futboll është. Partizani është këtu me uljet dhe ngritjet e tij si çdo ekip tjetër. Unë do mundohem të jap më të mirën time sepse së pari e kam për detyrë, por edhe sepse e ndjej që duhet të jem në këto momente këtu."

Duke folur për ekipin, Gega tha se Partizani i ka të gjithë elementët për të bërë mirë në fushë dhe për të kaluar momentin e vështirë me të cilin po përballet.

"Dje zyrtarisht edhe me presidentin Demi kemi arritur dakortësinë që për pjesën e mbetur të jem në krye të ekipit. E njoh shumë mirë ekipin sepse kategorinë superiore unë në tërësi e ndjek, veçanërisht Partizanin. Kam patur gjithmonë lidhje asnjëherë nuk jam shkëputur panvarësisht se nuk jam shfaqur në stadiume. Partizani i ka të gjithë elementët, në fushë ka mundësi për të bërë mirë. Unë nuk mund të bëj analizën e të kaluarës, as kolegëve. Nga momenti që jam larguar në mos gabohem të paktën 11 trajnerë kanë patur shansin e tyre të jenë në krye të Partizanit edhe privilegje dhe nuk mund të them dot asnjë fjalë për të kaluarën. Nesër fillon sfida ime, për kaq kohë deri nesër do të bëj të pamundurën, do ballafaqohem dhe të prezantoj veten me secilin nga lojtarët, ti dëgjoj ku janë problemet dhe çfarë mund të rregullojmë në këtë kohë të shkurtër."

Sfida Partizani-Laçi, ku do të bëjë debutimin edhe Gega, do të luhet këtë të diel, duke nisur nga ora 17:00 në stadiumin “Arena e Demave”.