web counter
LEXO PA REKLAMA!

SHKARKO APP

App Store
Google Play

Shtohen ekipet shqiptare në Maqedoninë e Veriut, Voska Sport dhe Gostivari ngjiten në elitë

10 Maj 2023, 13:06, Sport CNA

Shtohen ekipet shqiptare në Maqedoninë e Veriut, Voska Sport dhe

Edicionin e ardhshëm në Maqedoninë e Veriut do të jenë 5 skuadra shqiptare që do të garojnë në nivelin më të lartë të këtij vendi. Strugës, Shkëndijës dhe Shkupit do u bashkohen dhe Voska Sport dhe Gostivari. Të dyja këto ekipe kanë siguruar ngjitjen në elitën e futbollit maqedonas.

Edicioni që po përfundon ka qenë mjaft i suksesshëm për një pjesë të madhe të ekipeve shqiptare që garojnë në nivele të ndryshme të futbollit në Maqedoni. Struga siguroi titullin kampion, ndërkohë që pas saj janë Shkupi dhe Shkëndija.

Skuadrat shqiptare janë ato që po arrijnë suksese edhe në arenën ndërkombëtare me Shkëndijën dhe Shkupin që në edicionet e fundit kanë dhuruar paraqitje pozitive, duke shkuar disa herë në "play off" të kompeticioneve të UEFA-s.

Voska Sport po ashtu ishte dominuese në ligën e dytë, duke u renditur e para, ndërsa menjëherë pas tyre me 2 pikë më pak ndodhet Gostivari, që sezonin e ardhshëm do të jenë në elitë. Me ngjitjen edhe të këtyre dy ekipeve, në Superligën e Maqedonisë, gati gjysma e ekipeve do të jenë shqiptare, çka është një tregues se po rritet dominimi i tyre në futboll.





Lajmet e fundit nga