E fundit!

21:40 Denoncim

Një vit pritje për 3 milionë borxh, çfarë ndodhi pas ndërhyrjes së “Stop”

Rasti i radhës i transmetuar në emisionin “Stop”, këtë të ...

Shqipëria, miqësore me një tjetër kombëtare pjesmarrëse në Botëror

25 Tetor 2022, 09:13, Sport CNA

Kombëtarja shqiptare do të luajë një tjetër ndeshje miqësore jozyrtare në kalendarin e FIFA-s. Me të njëjtën skuadër që do të përballojë Arabinë Saudite, ekipi kuqezi do të sfidojë edhe Katarin në muajin nëntor.

Nuk ka ende asgjë zyrtare, por është pothuajse e sigurt që në datën 9 nëntor, Shqipëria do të sfidojë një tjetër skuadër pjesëmarrëse të Kupës së Botës. Bëhet fjalë për skuadrën e vendit organizator, Katarin, që është grumbulluar prej disa muajsh në Austri ku po përgatit Botërorin.

Spanja është vendi që do të hapë dyert për miqësoren me Katarin, ndërsa nuk ka ende një emër qyteti apo stadiumi. Palët janë në bisedime për të diskutuar detajet e fundit, ndërsa formula do të jetë e njëjtë, ndeshje përgatitore për Katarin që mund të kërkojë ashtu si Arabia Saudite që kjo ndeshje të mos transmetohet për të ruajtur sa më shumë sekretin e skuadrës, pasi kundër Shqipërisë do të luajë grupi që do të zbresë në fushë edhe në datën 20 nëntor në ndeshjen debutuese kundër Ekuadorit.

Për sa i përket skuadrës kuqezi, trajneri Edoardo Reja do të jetë i detyruar të përzgjedhë sërish një grup me lojtarë të Superiores për t’i dhënë më pas ndoshta mundësinë ndonjë elementi për të qenë i pranishëm edhe në sfidat zyrtare me Italinë dhe Armeninë në 16 dhe 19 nëntor.