web counter
LEXO PA REKLAMA!

SHKARKO APP

App Store
Google Play

E fundit!

x

Sarri, me fjalë të mëdha për yllin shqiptar: Duket lojtar i gatshëm për çfarëdolloj kampionati

16 Shkurt 2023, 09:45, Sport CNA

Maurizio Sarri ka folur në konferencë për shtyp në vigjilje të ndeshjes kundër Clujit në 1/16-at e finales të Ligës së Konferencës. Trajneri i mirënjohur italian thuri lëvdata të posaçme për sulmuesin kosovar, Ermal Krasniqi.

Ish-sulmuesi i Ballkanit, Ermal Krasniqi, ka qenë në qendër të elozheve në ditën e sotme nga trajneri i Lacios, Maurizio Sarri.

Këto deklarata miradije në drejtim të tij erdhën pasi nesër Lacio do ta presë në “Olimpico” skuadrën e Clujit, ku luan sulmuesi anësor kosovar.

“I kam parë ndeshjet e fundit të kësaj skuadre dhe kanë qenë ndeshje të ndikuara prej kushteve atmosferike. E kam parë edhe këtë Ermal Krasniqin dhe më duket një lojtar i gatshëm për çdo kampionat. Cluj ka lojtarë të nivelit të lartë. Do të jetë ndeshje e ndërlikuar”, tha Sarri.

Ndeshja kundër Lacios do të jetë një mundësi shumë domethënëse për 24-vjeçarin, që t’i tregojë aftësitë e tij teknike kundër një skuadre siç është ajo kryeqytetase italiane.

Për shkak të nivelit të paraqitjeve që ka treguar, ai po merr vëmendjen e pafundme të shtypit rumun, me artikuj të shumtë që i dedikohen, me qëllim të glorifikimit të tij si lojtar.





Lajmet e fundit nga