web counter
LEXO PA REKLAMA!

SHKARKO APP

App Store
Google Play

Miqësorja e U-17/ Shqipëria barazon me Bosnje-Hercegovinën

15 Shkurt 2023, 19:53, Sport CNA

Miqësorja e U-17/ Shqipëria barazon me Bosnje-Hercegovinën

Kombëtarja shqiptare U17 barazoi 0-0 sot në miqësoren me Bosnje-Hercegovinën U17. Ndeshja u luajt në stadiumin “Niko Dovana” të Durrësit.

Ervin Bulku hodhi në fushë këtë formacion: Amarildo Dervishi, Ergi Bastari, Adi Kurti, Ernesto Bakiu, Alion Damini, Egert Selmani, Endi Halili, Dean Vranici, Glenis Belloj, Frederik Tosku dhe Flavio Sulejmani.


Pjesa e parë ishte e balancuar. Kuqezinjtë bënë një paraqitje të mirë ndaj një kundërshtari mjaft të fortë, që ashtu si Shqipëria është kualifikuar për në fazën Elite Round të Euro U17.

Ndonëse u përpoqën vazhdimisht, kuqezinjtë patën vetëm një rast të mirë për gol në minutën e 37′ me protagonist Toskun. Në pjesën e dytë tekniku Bulku bëri disa zëvendësime.

Të dyja skuadrat u treguan shumë të kujdesshme dhe u mbrojtën mirë duke lënë shumë pak hapësira. Për rrjedhojë rastet për shënim ishin të pakta. Shqipëria U17 pati edhe një mundësi me Duron në minutën e 82′, por portieri Mehiç bllokoi tentativën.

Sfida e dytë Shqipëri U17 – Bosnje Hercegovinë U17, do të luhet më 17 shkurt (11:30) në stadiumin kombëtar “Air Albania”, Tiranë. Edhe në këtë ndeshje, FSHF do të hapë dyert për të gjithë tifozët, për t’i dhënë sa më shumë mbështetje kuqezinjve të vegjël.

Kuqezinjtë kanë nisur grumbullimin të dielën e 12 shkurtit në Durrës, ku po përgatiten për këto miqësore si edhe për kualifikueset e Kampionatit Europian 2023.

Shqipëria është pjesë e grupit 8 së bashku me Francën, Zvicrën dhe Letoninë. Të gjitha ndeshjet e kësaj faze do të luhen në vendin tonë në muajin mars.





Lajmet e fundit nga