web counter
LEXO PA REKLAMA!

SHKARKO APP

App Store
Google Play

Masa konkrete për të luftuar racizmin, heqje pikësh ndaj skuadrave

15 Shkurt 2023, 17:58, Sport CNA

Konfederata Braziliane e Futbollit do të nisë një politikë të re, për të luftuar racizmin në stadiume. Sipas asaj që raportojnë mediet, do të dënohet çdo skuadër me minus një pikë në rast se do ketë akte racizmi.

Rregulli u miratua këtë të martë nga klubet braziliane. Me anë të një deklarate, Konfederata Braziliane e Futbollit njoftoi se do të dënonte ashpër aktet raciste. Ky është rasti i parë në botë, që masa ndëshkimore do të jetë me heqje pikësh në rast të sjelljeve apo ofendimeve raciste.

Propozimi i miratuar nga klubet e Kategorisë së Parë do të shtrihet edhe në Kupën e Brazilit. Ky turne do të mbledhë gati njëqind ekipe nga kategori të ndryshme dhe do të nisë më 22 shkurt.

“Lufta kundër racizmit është serioze. Masat janë diskutuar për një shekull dhe ne kurrë nuk i kemi vënë në praktikë“, tha Ednaldo Rodrigues, presidenti i Konfederatës.

“Çdo akt racizmi apo diskriminimi do të njoftohet te Prokuroria dhe Policia Civile. Kjo që procesi të mos përfundojë vetëm në fushën e sportit dhe shkelësit të ndëshkohen me ligj”, u shpreh kreu i Konfederatës.





Lajmet e fundit nga