E fundit!

20:38 Aktualitet

Përballë Nokës për postin e Sekretarit të Përgjithshëm të PD-së/ Korreshi: Ja kur e mora vendimin për të garuar

Deputeti Saimir Korreshi është vendosur përballë Flamur No...

Rikthehet Conference League/ Në fushë ekipet italiane dhe Qarabagu i Redon Xhixhës. Ja të gjitha duelet

16 Shkurt 2023, 09:25, Sport CNA

Rikthehet Conference League/ Në fushë ekipet italiane dhe Qarabagu i

Conference League rikthehet të enjten me sfidat e raundit të 1/16-ave. Kompeticioni më i ri i krijuar nga UEFA hyn në momentin vendimtar me disa sfida interesante. Ekipet italiane, Fiorentina dhe Lazio do të luajnë sfidat e para me eliminim direkt, me synimin për të mbajtur trofeun e Conference League në Itali.

Megjithatë, asgjë nuk do të jetë e lehtë. Fiorentina përballë do të ketë Bragën. Ekipi portugez po kalon një formë mjaft të mirë, në kampionat ndodhet në vendin e tretë pas Benficës dhe Portos dhe kompeticionin e Conferenc League, portugezët e shohin si një mundësi të mirë për të ecur sa më shumë në Europë dhe pse jo t'i shkojnë deri në fund për të synuar trofeun.

Në anën tjetër Firorentina nuk vjen në momentin e duhur në këtë përballje. Ekipi vjollcë në pesë sfidat e fundit në Serinë A nuk njeh fitore. Aktualisht ndodhen në vendin e 14-të në kampionat shumë larg objektivit për të arritur një vend në zonat europiane.

Lazio do të përballet me romunët e Cluj. Bardhekaltrit shihen si një ekip favorit për të triufmuar në fund. Megjithatë, edhe për ekipin e trajnerit Sarri kjo përballje nuk vjen në momenin e duhur, pasi nuk po kalojnë një moment të mirë në kampionat. Në Serinë A, Lazio në tri sfidat e fundit nuk ka fituar asnjë ndeshje, numëron një humbje dhe dy barazime.

Nga ana tjetër edhe Cluj ndodhet në një moment negativ. Me 2 disfatat e fundit të pësuara në kampionat, ekipi rumun lëshoi kreun dhe zbriti në vendin e dytë.

Favorit në këtë përballje shihet ekipi i Elseid Hysajt, pasi Lazio kuotohet si një nga klubet për t'i shkuar deri në fund kompeticionit të Conference League.

Në ekranin e "SuperSport" do të vijë edhe përballja e Qarabagut dhe Gent. Skuadra azerbajxhanase vjen me besim të lartë në këtë sfidë, pasi në katër ndeshjet e fundit janë të pamposhtur dhe në kampionat udhëheqin me 5 pikë diferencë përkundrejt vendit të dytë.

Në anën tjetër, belgët e Gent në tri sfidat e fundit në kampionat nuk njohin fitore dhe akutalisht ndodhen në vendin e pestë në kampionat. Kjo sfidë pritet me interes të madh edhe në Shqipëri, pasi në këtë ndeshje, pritet të bëjë debutimin në arenën europiane sulmuesi i Kombëtares shqiptare, Redon Xhixha, i cili në merkaton dimërore u largua nga Tirana në drejtim të Qarabag.

Rikthehet Conference League/ Në fushë ekipet italiane dhe Qarabagu i